لكل سيدة بتابعنا على موقع مصر فايف نلتقى مع طبق رئيس على مائدتنا فى يوم عيد الاضحى المبارك وهو طبق الفتة باللحمة والارز المصرى الذى يعشقه الكثيرين .
طريقة عمل الفتة سهلة جدا وبسيطة كمان ممكن نعمل الطبق بلحمة الضأن وكمان بتكون النكهة والطعم اجمل , هنعرف المقادير والخطوات وهنطبقها وباذن الله تطلع النتيجة ممتازة .
من النهاردة مش هتحتاجى حد يساعد فى عمل اكلات عيد الاضحى لاننا هنتعلمها سويا , وهنعمل ملف كامل عن اشهى اكلات عيد الاضحى المبارك وكل سنة وانتم طيبين .
المقادير:
• كيلو لحم مقطع
• نص كيلو رز.
• بصلة كبيرة ومقطعة قطع صغيرة.
• 2 فص حبهان.
• ملعقة قرنفل.
• 6 فصوص ثوم مهروس.
• رغيف خبز محمص.
• نصف ملعقة صغيرة مبشور جوزة الطيب.
• عود قرفة.
• ورقة لاورا.
• ملح.
• كوب كبيرة عصير طماطم.
• ملعقة كبيرة سمن.
• ملعقة كبيرة صلصة طماطم.
• ملعقة خل أبيض.
الطريقة
اسلقي اللحمة وضيفي إليها عند السلق بصلة وورقة لاورا وفص حبهان وملعقة القرنفل والملح وسيبيها لغاية ما تستوي
أثناء ما اللحمة بتستوي هاتِ الارز واغسليه وبعد كده هاتي الصنية اللي هتعملي فيها الأرز وحطي فيها ملعقة ونصف سمنة وبعد كده ضيفي إليها الرز وقلبيه على النار لمدة خمس دقائق بعد كده هاتي شوربة اللحم وضيفي إليها شوية ملح وبعد كده ضيفيها للرز وسيبيه على نار هادية لغاية ما يستوي….
بعد كده هاتِ بصلة وقطعيها قطع صغيرة وحمريها في السمنة لغاية ما تلاقي لونها بدأ يميل إلى اللون الأصفر ضيفي إليها الثوم مع التقليب لما تلاقيهم لونهم بدأ يكون ذهبي ضيفي إليهم كوب عصير الطماطم والصلصة وسيبيهم على نار هادئة لمدة 10 دقائق بعد كده ضيفي إليهم قليلا من الشوربة وسيبيهم على النار لمدة ربع ساعة.
بعد كده هاتِ صينية وقطعي فيها الخبز المحمص وضيفي إليه شوربة اللحمة وسيبيهم لمدة عشر دقائق علشان العيش يتشرب من الشوربة.
بعد كده هاتِ طبق كبير وحطي فيه الأرز والخبز وحطي فوقيهم دمعة الصلصة اللي أنت عملتيها ومن فوقها اللحمة..