“مش هتشتريها من بره تاني” حضري لقمة القاضي في البيت بخطوات سهلة وطعم يفوق المحلات

من بين الحلويات الشرقية اللي ليها جمهور كبير في كل بيت عربي، تفضل لقمة القاضي محتفظة بمكانتها على سفرة التحلية، خصوصًا في المناسبات والتجمعات العائلية، بطعمها المقرمش من الخارج والناعم من الداخل، قدرت لقمة القاضي تكسب قلوب الكبار والصغار، ومع تزايد البحث على الإنترنت ومواقع التواصل عن طريقة تحضيرها في المنزل بطعم يضاهي محلات الحلويات الكبرى، جمعنالكِ في هذا المقال الطريقة الأصلية والمكونات البسيطة اللي تقدري تعملي بيها لقمة القاضي بكل سهولة وبنتيجة ممتازة من أول مرة، بدون تكلفة كبيرة أو مكونات معقدة.

المكونات المطلوبة لتحضير لقمة القاضي

قبل ما نبدأ في خطوات التحضير، لازم نجهز المكونات الأساسية اللي هتضمنلك نتيجة ممتازة، المكونات دي بسيطة جدًا وموجودة في أي بيت تقريبًا، وكل اللي هتحتاجيه كالتالي:

• ربع كيلو دقيق أبيض متعدد الاستخدامات.
• ملعقة صغيرة فانيليا لإضافة نكهة مميزة.
• رشة ملح صغيرة جدًا لتعزيز الطعم.
• نصف ملعقة صغيرة نشا ذرة تساعد في تماسك العجينة.
• ربع ملعقة كبيرة خميرة فورية لرفع العجينة وتخمرها.
• ماء فاتر للعجن حسب الحاجة (حوالي نصف كوب إلى كوب).
• وعاء نظيف للعجن يفضل أن يكون بلاستيك أو زجاج.
• زيت غزير للتحمير.
• ملعقة صغيرة مدهونة زيت لتشكيل الكرات.

• شربات بارد (قطر) لتحلية اللقمة بعد التحمير.

خطوات تحضير لقمة القاضي بخطوات سهلة وسريعة

تحضير لقمة القاضي في البيت مش محتاج غير تركيز بسيط واتباع الخطوات دي بدقة، وهتحصلي على نتيجة ممتازة:

• في وعاء عميق، اخلطي الدقيق مع النشا جيدًا باستخدام ملعقة خشبية.
• أضيفي رشة الملح والفانيليا، وقلّبي المكونات الجافة حتى تتجانس.
• ضيفي الخميرة، ثم ابدئي بسكب الماء تدريجيًا مع العجن المستمر حتى تحصلي على عجينة سائلة نوعًا ما لكنها ناعمة جدًا ومتماسكة خالية من الكتل.
• غطي الوعاء بكيس بلاستيك أو فوطة نظيفة، وضعيه في مكان دافئ لمدة ساعة على الأقل حتى تختمر العجينة ويتضاعف حجمها.
• بعد التخمير، سخني كمية كافية من الزيت في طاسة عميقة على نار متوسطة.
• استخدمي ملعقة صغيرة مدهونة بزيت، وخدي بها كرات صغيرة من العجين وضعيها في الزيت واحدة تلو الأخرى.
• قلّبي الكرات باستمرار حتى تاخد لون ذهبي موحد من جميع الاتجاهات وتنفش.
• طلّعي الكرات من الزيت وصفيها لمدة دقيقة، ثم على طول حطيها في الشربات البارد.
• قلّبيها في الشربات من جميع الجوانب لحد ما تتشرب الطعم، وبعد كده طلّعيها وقدميها في طبق التقديم.

نصائح مهمة لنجاح لقمة القاضي من أول مرة

• لازم يكون الزيت سخن لكن مش محروق، علشان اللقمة تتحمر من جوه وبره كويس.
• الشربات لازم يكون بارد واللقمة سخنة علشان تتشرب كويس وتفضل مقرمشة.
• لو عايزة تحتفظي بلقمة القاضي أطول فترة، سيبيها تبرد خالص قبل ما تخزنيها.
• ممكن ترشي عليها سكر بودرة أو قرفة حسب الذوق لمزيد من النكهة.

وبكده تبقي حضرتي واحدة من ألذ الحلويات الشرقية في بيتك وبكل سهولة، وبمكونات متوفرة في مطبخك، لقمة القاضي هتكون أحلى وأوفر من الجاهزة، وهتخلي كل اللي يدوّقها يطلب منك تعمليها تاني وتالت!