روت نائبة مجلس النواب نوسيلة إسماعيل، تفاصيل الفيديو المتداول لها عبر مواقع التواصل الاجتماعي ، وهي تضرب نار في خطوبة ابنتها.
فعلقت النائبة خلال مداخلة هاتفية مع الإعلامي “احمد موسى” قائلة “أنا شايفة الفيديو عادي جدًا، هو لو فيديو نزل لراجل بيضرب نار، كانت حصلت الضجة دي، ليه نظرة الناس للنائب إنه هو إنسان مش مواطن، أنا مواطنة مصرية وأنا كسيدة من حقي أرخص، وإذا كان ده غير قانوني مكنش هيطلع لي رخصة، زي زي اي اجل، كل الرجالة بتضرب نار في الأفراح، مش بيحصل كل الضجة دي، هل ده عشان نائبة، ولا عشان أنا نائبة”.
وأردفت “المنظر مش عاجب بعض الناس لأغراض معينة، أنا كنت سعيدة جدًا، خطوبة بنتي أبقى سعيدة ولا لأ، حط نفسك مكاني، اللي بيرقص واللي بيزغرط، والسلاح نوعه بندقية خرطوش، وأبعتلك الرخصة لو حضرتك عايزها، ومعايا رخصتها بغرض الدفاع عن النفس، وعندي طبنجة تحت كرسي العربية بتاعي، أنا في الدور ال11، وضرب نار، مني للسما”.
وأضافت “أنا مدربة على ضرب النار في مركز تدريب، وناس اصدقائي دربوني، وعايزة أوضح إننا داخلين على انتخابات وفي منافسين، وفي إخوان بينتهزوا أي غلطة”.