بالفيديو| في أول لقاء لها.. فتاة العياط تروي تفاصيل قتلها شاباً اتهمته بمحاولة اغتصابها

بالفيديو| في أول لقاء لها.. فتاة العياط تروي تفاصيل قتلها شاباً اتهمته بمحاولة اغتصابها

روت أميرة رزق، الشهيرة بفتاة العياط، تفاصيل قتلها شاباً اتهمته بمحاولة اغتصابها، في أول ظهور إعلامي لها بعد خروجها من السجن، مع الإعلامي شريف عامر ببرنامج “يحدث في مصر” المذاع على قناة “أم بي سي مصر” الفضائية.

فسرد أميرة التفاصيل قائلة “اللي حصل إني كنت رايحة عند تيتا،  واحدة صاحبتي عطت رقمي لوائل، ووائل ده كان زميل لي في الشغل في شركة في أكتوبر، وأتقدم لي وبابا رفضه، وبابا طلب مني أني أقعد من الشغل عشان مشفهوش، اتفاجأت إنه بيرن عليا، وقالي إنتي فين قولتله في مص{، وقالي أنا كمان في مصر، قالي عايزين نتفسح وأشوفك”.
وتابعت “روحت قعدنا نص ساعة، وخد تليفوني، وإحنا مروحين سابني ونزل في الأتوبيس العام، وقعدت أرن عليه من تليفوني الثاني مرديش يرد عليا،  واحد تاني رد عليا اسمه مهند، وقالي أنا لقيت التليفون وتعالي خديه في برنشت، روحت الموقف وسألت ورن عليا قالي خليني أكلم السواق أشرحله ينزلك فين”.
وواصلت أميرة “وروحنا البنزينه بتاعت برنشت، ولاقيته بيقول يا مهند أنت لك بنت معايا في العربية، قالي إنزلي، قولتله هات التليفوني قالي أركبي، بعد ما ركبت، بقوله فين التليفون، قالي أصحابه وائل وإبراهيم أخدوه، وأنا هوديكي ليهم”.
وأضافت أميرة “وفجأة لقيت نفسي في الجبل، وعايز حاجات مش كويسة مني، وجيت أنزل لقيته بيهددني بالقتل، ورفع السكينة على رقبتي، وخربشني من وشي، وكنت خايفة لأني كنت في صحراء، وعملت نفسي إني مواقفه، وقولتله أرمي السكينة دي بعيد، مجرد ما ساب السكينة خدتها، وجاي يجري عليا ويخربشني من هدومي قمت خبطته، ولاقيت الدم وخفت وجسمي كان بيترعش، وسلمت نفسي في الاسم ووديتهم الجبل وشافوا الولد”.
شاهد الفيديو…