التخطي إلى المحتوى
بالفيديو| انفعال أحمد موسى على الهواء بسبب حادث القطار: في دول أخرى كان الوزير استقال
أحمد موسى

انفعل الإعلامي أحمد موسى على الهواء مباشرة، خلال حلقة مساء أمس الإثنين، على خلفية حادث القطار،الذي راح ضحيته شاب يدعى محمد عيد عبد الحميد وأصيب أخر، بعد أن أجبرهم الكمسري على القفز من القطار لعدم وجود تذكرة معهم.

فعلق موسى قائلا “أنا دلوقتي قدامي قتل مواطن عن عمد، لأنه فتح الباب، خد المفتاح وفتح الباب عشان يموتوا، لو كان عنده شوية رحمة أو اي تصرف تاني، أنا عايز أعلم البشر الإنسانية، إزاي يشيل المواطن المصري على راسه إزاي، مش كلام إنشا، وتصريحات جوفاء على الأرض وفي الحقيقة مبتحصلش”.

وأردف موسى “العالم والدول كلها حكومة بتتقلب، ووزير بيستقيل، والناس بتاخد اجراءات، أنا بتكلم عن حق مواطن، وأنا بالحالة دي لأني في لحظات كتيرة، بشيد وبساند وبدافع، بس النهاردة لأ، في روح وبني أدم مات، قلنا كلام كتير، عن تطوير السكة الحديد بس البشر الأول”.

وأضاف موسى “حق العدالة والنائب العام، والمنظومة كلها سيادة الوزير، حق المواطن الأول في رقبة الكل، بقولكم في الدول كنت سمعت بعدها ب 5 دقائق مجلس الوزراء ووزير النقل يتقلب، إزاي تجبر مواطن ينط والقطر بيتحرك”.

شاهد الفيديو…

التعليقات

اترك تعليقاً

لن يتم نشر عنوان بريدك الإلكتروني.