التخطي إلى المحتوى
بالفيديو| تعرف على ما قاله وزير النقل كامل الوزير حول حادثة شابي القطار

روى كامل الوزير، وزير النقل، تفاصيل ما حدث حول حادثة شابي القطار، وذلك خلال مداخلة هاتفية مع الإعلامي عمرو أديب، ببرنامج “الحكاية” المذاع على قناة “أم بي سي مصر” الفضائية.

فعلق الوزير على حادث القطار قائلا “بعزي أسرة المتوفي محمد عيد عبد الحميد عطية، وبطمنهم حق ابنكم مش هيروح، إحنا هنجيب حق ابنكم كويس جدًا، الموضوع الآن في النيابة العامة”.

وتابع الوزير”قطار إسكندرية الأقصر، قطار درجة أولى فاخر، مكنوش اثنين أطفال، دول اقنين شباب، 33 سنة، ركبوا القطار، حتى لو مقطعوش تذكرة، نحن نرفض هذا التصرف تمام من رئيس القطار، حتى هو لو لاقى واحد مقطعش التذكرة، كل اللي بيعمله، إنه بيتحفظ عليه لأقرب محطة، وبيعمله محضر في شرطة النقل والمواصلات، وهي دي تعليماتنا، ولكن هذا تصرف خاطيء من شخص ممكن يكون غير مقدر للمسؤولية عديم الإنسانية، وإن شاء الله هياخد عقابه كويس جدًا”.

وأكمل الوزير قائلا “هنغلظ العقوبة، هنعمل أقصى ما نستيطع حتى لا يتكرر هذا الحادث، لأننا المفروض جهة بتخدم أهالينا ونساعدهم، ونراعي أمنهم وأمانهم، مش إحنا اللي نعمل كده، ولا إننا نتسبب في كده”.

وكشف تفاصيل الحادث قائلا “هو طلب الأجرة منهم، قالهم ل هتدفعوا الأجرة بالإضافة إلى 30 جنيه غرامة، قالهم لأ يا تدفعوا الفلوس يا تنزلوا من القطر، وكان القطر داخل على محطة دفرا، والقطر هدى تماما،والكمسري خد المفتاح من مضيف القطار، وده الكلام اللي اتقالنا من الناس، وفتح الباب وقالهم خلاص انزلوا، هما نطوا من القطار واحد كان نحيل قدر ينط بس اتصاب، والشخص الثاني اللي هو محمد عيد عبد الحميد كان بدين شوية فوقع بين القطار وبين رصيف المحطة، وتوفى”.

وأضاف  الوزير قائلا “لو كان الأمر ده معتاد في السكة الحديد، لن يتكرر، مش عشان أنا موجود وضاغط عليهم، لأ عشان ده التصرف الإنساني اللي لازم يتم”.

وأوضح الوزير قائلا “دول مش باعة جائلين في القطار، دول باعة جائلين في إسكندرية مش في القطار، وهو لو باعة جائليين أكيد معاه قيمة التذكرة، ولكن هذا مش مبرر، يعني حتى هو لو مدفعش وامنتنع، في اسلوب قانوني وأدمي أتعامل معه به، أنا لا أبرر هذا الخطأ، وهذا الراجل سيقع عليه أقصى عقوبة”.

شاهد الفيديو…

قد يهمك أيضًا

التعليقات

اترك تعليقاً

لن يتم نشر عنوان بريدك الإلكتروني.