التخطي إلى المحتوى
تعرف على حقيقة فيديو خرتيت (وحيد القرن) يسير في شوارع مصر

تداول عدد من مستخدمي موقع التواصل الاجتماعي “فيس بوك” فيديو لخرتيت  “وحيد القرن” تسير في الشوارع، وزعم العديد منهم أنه في شوارع مصر.

وعلق الإعلامي عمرو أديب على الفيديو في حلقة الأمس من برنامج “الحكاية” المذاع على قناة “أم بي سي مصر” قائلا “الناس أقسموا إنه في مصر، وبدأو يقولوا لا حول الله، البلد بقت متسابه كده، يعني الخرتيت يطلع من جنينة الحيوانات ويوصل إمبابة، فين الشرطة، دي من علامة الساعة، طب لموا العيال من الشارع أحسن يضرب العيال”.

وأجرى الإعلامي عمرو أديب مداخلة هاتفية مع أحمد علام،  صاحب فيديو “وحيد القرن” من دولة نيبال والذي فسر حقيقة الفيديو قائلا “أحنا كنا في رحلة في نيبال، وكنا بنتعشى في مطعم في محمية طبيعية هناك، أحيانا الحيوانات بتعدي من شارع عشان تروح بيتها في الغابة، فجأة لقينا اثنين وحيد القرن معدين قدمنا”.

وتابع علام قائلا “إحنا قاعدين طول النهار نلف في الغابة عشان نشوفهم، صورت الفيديو، وبعته لأصدقاء في مصر، وبعد م صحينا من النوم ليقينا الفيديو اتنشر جدًا، وبيقولوا إلحقوا الخراتيت نزلت الشارع”.

واضاف صاحب فيديو وحيد القرن قائلا “حد قدر يسرق الفيديو ده ونزله باسمه وقعد يقول إلحقوا دول في مصر، وأصوات مصريين أهيه بتعلق عليها، ودي كانت أصواتنا إحنا، وإحنا عندنا في مصر  مفيش أي حقوق ملكية للفيديوهات”.

قد يهمك أيضًا

التعليقات

اترك تعليقاً

لن يتم نشر عنوان بريدك الإلكتروني.