وجه الإعلامي شريف مدكور رسالة إلى الاشخاص الشامتين في مرضه، وذلك خلال مداخلة هاتفية مع الإعلامي عمرو أديب، ببرنامج “الحكاية” المذاع على قناة ” أم بي سي مصر”.
فعلق شريف مدكور قائلًا “أي حد شمت فيا أو في المرض اللي عندي بشكره شكر خاص لأني أخدت ثواب عند ربنا على قفاه، أنت كده بتقويني أكتر، وبتحسسني إني عارف ديني وأخلاقي اللي اتربيت عليها أكثر وأكثر”.
وتابع شريف مدكور قائلًا “المعركة الغريبة وتصفيات الحسابات دي أنا محطوط فيها من زمان، ولما كنت بعلن مواقفي السياسية بسبب إني مع إدارة بلدي، وكنت بتعرض لتنمر وإشاعات وحاجات غريبة جدًا، بس أنا عارف أنا بعمل إيه أنا بحب شعب بلدي، والكلام ده كله ميفرقش معايا خالص”.
وأضاف مدكور “أنا حالتي حالا زي الفل، عندي كانسر في القاولون والحمد لله درجته مش عنيفه، وأول أسبوع في رمضان هعمل عملية هنا في مصر، ورافض السفر تماما، وهعمل العملية في بلدي مع أطباء مصريين، وفريق تمريض مصري، ومستشفى شبه حكومي كمان”.
وأكمل شريف مدكور “أنا على طول كنت بدعم مرضى السرطان، وحلقت شعري على الهواء قبل كده، فأنا حاسس إن ربنا عايزني أحس أكتر بمرضى السرطان، ولو خدت كيماوي وشعري وقع، هطلع على الهواء عادي، أنا واخد الموضوع ببساطة”
شاهد الفيديو…
