كشف الفريق كامل الوزير، وزير النقل المصري،أحدث مشاريع تطوير محطتي مصر والجيزة، وذلك خلال لقائه مع برنامج “الحكاية” مع الإعلامي عمرو أديب.
فقال الوزير”أنا دايمًا اتعودت أحب أشوف شغلي على الأرض، أحب أشوف نتيجة التعليمات والتوجيهات اللي بديها للناس على الأرض، وعلى فكرة مش السكة الحديد بس، عندنا المواني، وعندنا الطرق والكباري، والنقل البحري، والنهري، وزارة النقل، وزارة كبيرة، ومحكتة بالمواطنين، على مدار الساعة، وفي كل مناحي الحياة”.
وتابع الوزير “ممكن أكون أديته التعليمات وهو مش قادر ينفذها ، لعدة اسباب يا إما هو مستوعبش مني ويبقى العيب عندي، يا إما هو محتاج توضيح أكثر، أو معندوش إمكانيات ينفذ المهمة دي عشان كده لازم أنزل على الأرض وأشوف”.
وأكمل الوزير “أنا لما قولت أول مرة على موضوع الأنفاق المقفولة، وجدتها النهارده مفتوحة وتعمل بانتظام، وعربيات الجولف اللي كات مركونة بتستخدم، والنضافة موجودة في المحطة، والجمهور العادي بدأ يذهب إلى شباك التذاكر وبيقطع التذكرة، تابعت مكان حادث قطار، بدأنا ننشئ رصيف من جديد، وتابعت وسائل الإطفاء، لأنه كان درس من حادث حريق قطار مصر”.
وأضاف الوزير “أنا قولتلهم قبل كده معنديش مانع وهطول بالي واللي هيشتغل معايا على راسي من فوق، ولكن اللي مش عايز يشتغل يسبني أشتغل ويبعد عني، واللي هيمد غيده والفساد وكده، مش هنسيبه، اللي هيمد إيده هنقطعاله”.