التخطي إلى المحتوى
بالفيديو| تامر أمين يسخر من رافضي عقوبة الإعدام: إيه رأيكم إن إرهابي نيوزيلندا مش هيتعدم
تامر امين

سخر تامر أمين من رافضي حكم الإعدام؛ وذلك بسبب قوانين نيوزيلندا التي ترفض حكم الإعدام، ولذلك فلن يُعدم مرتكب حادث نيوزيلندا الإرهابي.

فعلق أمين خلال حلقة الأمس من برنامج “أخر النهار” المذاع على قناة “النهار” قائلًا “عايز أقولكم معلومة عشان الناس اللي صدعتنا خلال الشهور اللي فاتت وصدعتنا عشان عقوبة الإعدام، أصل الإعدام عقوبة صعبة وقاسية، وبتجرح ملامحي وجسمي بيقشعر منها”.

وتابع أمين “عايز أقولكم إن نيوزيلندا لاغية عقوبة الإعدام من الستينات أو السبعينات، معنى كده إن الباشا ده اللي قتل خمسين مواطن، بغض النظر عن ديانيته، قتل 50 بني آدم، بكل برودة الدم، والعصبية والقمعية، مش هيتعدم، روحوا بقى شوفوا أهالي الخمسين اللي ماتوا وقولولهم السفاح ده اللي قتل ولادكم ده مش هيتعدم”.

وأضاف أمين “يعني مش هيشوفوا اللي دبح ولادهم ده وهو بيضرب بالنار أو مشنوق أو على كرسي كهربائي، وأقسى عقوبة هياخدها السجن المؤبد، يعني هيعيش وياكل ويشرب ويتفرج على التليفزيون، يعني عايز بتوع حقوق الإنسان على مستوى العالم، هل هذا قصاص وعدل”.

شاهد الفيديو..

التعليقات

اترك تعليقاً

لن يتم نشر عنوان بريدك الإلكتروني.