توصلت الأجهزة الأمنية لكشف لغز العثور على جثتي طفلين مقتولين في جريمة مأساوية هزت الرأي العام بسوهاج، والمتهم عو زوجة خالة الطفلين، وقيامه بسرقة “قرط ذهب”، في منزلهما بقرية الشيخ مكرم، التابعة لمركز سوهاج، في الجريمة التي استغرقت 12 دقيقة، انتهت بذبح فتاة وشقيقها الأصغر.
وأحضرت الأجهزة الأمنية المتهم ويدعى “راضى. س”، 34 سنة حداد، وسط حراسة أمنية مشددة، وبدأ المتهم في تمثيل جريمته قائلا:
“كنت بمر بضائقة مالية.. مكنش معايا أي فلوس، وكنت عارف أن أخت مراتي معها ذهب بحوالي 150 ألف جنيه.. قلت أروح أسرقها.. بس كان في خلاف بينها وبين مراتي، روحت قبل الجريمة بيوم علشان أخلص المشكلة دي وأطلب منها، أن هي تجي لينا تاني يوم، وأنا أروح أسرق براحتي.. وهو ده كل اللي حصل فعلا.. يوم الجريمة استغليت حضور شقيقة زوجتي للمنزل.. ثم تركها بعد الصلح بينهم.. وتوجّهت لتنفيذ الجريمة، وكان معايا خنجر ذي نصلين”.
وتابع: “لما وصلت إلى منزل الضحيتين.. دخلت البيت لقيت أسماء 17 سنة مسكتها من رقبتها وكتمت نفسها ودبحتها على طول.. وبعدها شفت أحمد 6 سنوات.. تخلصت منه بنفس الطريقة، دبحت الاتنين زي ما اكون بدبح فراخ.. وبعدين لفيت كتير على الذهب ومقلتش حاجة، رجعت تاني لجثة أسماء وسرقت الحلق بتعها وهربت، وكل ده حصل في حوالي 12 دقيقة.. ولما خرجت من البيت، لقيت أيدي فيها جرح، روحت الصيدلية اللي على نصية الشارع.. وأخدت العلاج اللازم، وبعدين احتفظت بالخنجر والحلق تحت مرتبة السرير بتاعي”.
وبدأت الواقعة بوورود بلاغ بالعثور على جثتي طفلين مذبوحتين، فتم تشكيل فريق أمني وقام بفحص المشتبه فيهم، ومناقشة الجيران ورواد المنطقة، وفحصت القوات قرابة 25 شخصا، خلال الـ4 ساعات، حتى توصلت إلى شاهد رؤية أكد مشاهدة “زوج الخالة”، في الشارع الذى يقيم فيه الضحايا في توقيت معاصر للجريمة.
