عمرو أديب: أطالب بخصخصة شركات الحكومة زي شركة الكهرباء

عمرو أديب: أطالب بخصخصة شركات الحكومة زي شركة الكهرباء
عمرو أديب برنامج كل يوم

طال الإعلامي عمرو أديب بتحريك الأموال المتواجدة مع المصريين واستغلالها في مشاريع تفيد البلد قائلًا:”البلد فيها فلوس وفرص وفيها كاش”.

وتابع أديب خلال برنامجه “كل يوم” المذاع على قناة “ONE” قائلًا:”الناس اللي حاطة فلوسها في البنك ميعدوش 15% يعني في 85% ناس مش حاطة فلوسها في البنك، لسه في تجار بيروحوا يشتروا فلوسهم في شوال”.

واستعان عمرو أديب بتجربة مشروع نيوم التي أطلقتها السعودية قائلًا :”لما محمد بن سلمان عمل مشروع نيوم ده عمله عشان لاقى في كتير من الناس بتستثمر فلوسها بره، فقالهم مشروعك هنا في بلدنا”.

وطالب بخصخصة الشركات الناجحة التابعة للحكومة قائلًا:”بقول للحكومة تعالى على شركة ناجحة زي الكهرباء وقول للمصريين اشتركوا فيها، وحقول الغاز ليه الدولة هتبقى شايلة كل حاجة، السعودية الغنية جدًا بتعمل الكلام ده، وإحنا امكانيتنا محدودة، في مصريين في مصر معاهم فلوس، عندنا مشاريع كتير زي العاصمة الإدارية والمصرية للاتصالات اطرحها أسهم للناس”.

وأضاف أديب قائلًا :”لازم الكاش اللي موجودة مع المصريين نشوف بيها طرق ومشاريع ناجحة زي السعودية والإمارات، حركوا الفلوس، مش عيب حد ياخد قروض من البنك ويشغل الفلوس، أي رجل أعمال بيشتغل ب20% من فلوسه والباقي قروض من البنوك”.

شاهد الفيديو:-