حلق الإعلامي شريف مدكور، شعره على الهواء مباشرة من خلال برنامجه”شارع شريف” المذاع على قناة النهار، وذلك للتضامن مع مرضى السرطان.
وعلق مدكور قائلًا:”قررت أحلق شعري للتضامن مع الأطفال، اللي عندهم كنسر وبقولهم أنا هبقى شكلكم، ومش عيب إن شعرك يقع من العلاج بالكيماوي، هيطلع تاني لما تتعالج إن شاء الله”.
وتابع مدكور:”أنا مش قدوة لحد، ومش بعمل شو لأن مفيش حد في مصر ميعرفنيش، أنا بس كنت حابب أشارك لأن شهر أكتوبر يتحدث عن سرطان الثدي، وإحنا عندنا في مصر ستات كتيرة تصاب به، هو مش عيب والحياة مش بتخلص بسببه، أنا بقول لأي حد عنده سرطان، خلو ده بداية حياة ليكم”.
وأضاف:”أصحابي الصغيرين اللي بيجلهم سرطان، شعرهم بيقع، متزعلوش عشان شعركم وقع لأنه بيطلع تاني، والستات اللي شعرهم بيقع متتكسفوش منه، وأنزلوا الشارع به، وقولوا أنكم هتحاربوه، خليكم أقوياء”.
وطلب مدكور من أي شخص لديه القدرة على القيام بحلق شعره، يرسل الصورة للبرنامج للتضامن مع مرضى السرطان، وأضاف:”مش الشعر هو اللي بيدي قيمة للبني آدم، إيمان الشخص بنفسه هو اللي بيديه قيمة”.
شاهد الفيديو..