نشرت من ساعات فتاة تدعى “شروق” صوراً أليمة توثيق حالة التحرش التي تعرضت لها في أحد السيارات أثناء الانتقال، في حادثة مؤسفة تكشف عما يتعرض له الفتيات خلال الأيام الأخيرة في مصر.
فتاة توثق لحظة التحرش بها
حيث نشرت الفتاة صوراً وثقت من خلالها لحظة تحرش أحد الشباب بها، وذلك أثناء ركوبها سيارة ميكروباص من منطقة حلوان إلى التبين، وذلك على الرغم من أنها ترتدي النقاب ولا يظهر وجهها، كما أن ملابسها فضفاضة إلا أنها لم تسلم من أذى هذا الشباب المستهتر.
كتبت ” شروق” عبر صفحتها على موقع التواصل الاجتماعي ” فيس بوك” قائلة: ” دي تقريبًا أول مرة اقتنع إن معندناش رجالة، ده لسة حاصل معايا حالًا، أول حاجة عملتها إنى صورت عشان لما يقول معملتش أعرف أرد عليه.. بس بمجرد ما زعقت وعليت صوتي لقيت الكل بيقول خلاص يا آنسة ومحدش فكر يتجدعن كدا”
واستطردت: ” خلاص إيه حضرتك ده بيمد ايده آهية.. معلش خلاص !.. يعنى رجالة كبار بشنبات بيقولولى أسكت لما واحد يمد ايده عليا، ده أنا أصحابي أرجل منهم، إحنا معندناش رجالة فخدي حقك منك ليها واخشنوا، ويبقى حد يجى يقولى أصل لبسك مستفز”.
وني نهاية التدوينه كتبت: ” كنت راكبة ميكروباص من حلوان للتبين، وأنا كنت راجعة من درس، وحتى لو مش درس هتقدروا إزاى تحبسوا البنات فى البيوت عشان انتوا حيوانات مش قادرين تمسكوا نفسكم عن بنات الناس، لبسى مش ضيق وشى مش شايفه، شوفوا حجج تبرروا بيها غير دي”.
