كلمات أغنية لما القلب يدق من اعلان مجدي يعقوب رمضان 2017

كلمات أغنية لما القلب يدق من اعلان مجدي يعقوب رمضان 2017
كلمات أغنية لما القلب يدق رمضان 2017

قامت مؤسسة مجدي يعقوب لأمراض القلب بعرض اعلان شهر رمضان الجديد 2017 بعنوان “لما القلب يدق” وذلك بمشاركة كلٍ من الفنانين أحمد حلمي ودنيا سمير غانم، داعين للتبرع إلى المؤسسة لإنقاذ حياة الأطفال.

يّذكر أن مؤسسة مجدي يعقوب كانت قد أطلقت من قبل أغنية ارسم قلب في اعلان رمضان 2016 والتي شارك فيها عدد من الفنانين مثل محمد حماقي ونيللي كريم وعددٌ لاعبي كرة القدم مثل محمود الخطيب ورمضان صبحي.

وإليكم كلمات أغنية لما القلب يدق من اعلان مجدي يعقوب لشهر رمضان 2017 بمشاركة أحمد حلمي ودنيا سمير غانم، مصحوبةً بفيديو للأغنية كاملة على يوتيوب.

شاهد أيضًا:

كلمات أغنية لما القلب يدق – رمضان 2017

لما القلب يدق يدق يدق يدق
صوت دقاته بيعلى وبيقول لينا نعيش
ونقول اه للفرحة
وللحزن نقول لا
ونقول للخوف ابعد عنا ياريت متجيش
سحر الدنيا يبان لما نشوف الالوان
الاسود موجود علشان الباقي يبان
الصورة بتحلى بتفاصيلها
حاجات لو بس هنعملها
نلقى الفرحة عايشة معانا في كل مكان
لما القلب يدق يدق يدق يدق
صوت دقاته بيعلى وبيقول لينا نعيش
ممكن تبقى حياتنا جميلة في غمضة عين
لما نآمن بيها ولما نكون عارفين
كنز حياتنا بيبقى الرحلة
مرة بتقسى ومرة بتحلى
من غير ده وده مينفعش نكون عايشين
لما القلب يدق يدق يدق يدق
صوت دقاته بيعلى وبيقول لينا نعيش
دور فيك ع الحاجة اللي تملي تقويك
حارب اصل الاستسلام ميلقش عليك
خليك واثق انك تقدر
خلي الحلم في قلبك يكبر
اي ظروف وحواجز الخوف هدها بايديك
لما القلب يدق يدق يدق يدق
صوت دقاته بيعلى وبيقول لينا نعيش
لما الوقت بيمشي بيمشي وجعنا معاه
اجري ورا الفرحة واياك يوم تستنى
عيش ايامك كل دقيقة
والاحلام خليها حقيقة
هي حياتنا من غير فرحة هتبقى حياة
لما القلب يدق يدق يدق يدق
صوت دقاته بيعلى وبيقول لينا نعيش
ونقول اه للفرحة
وللحزن نقول لا

فيديو اعلان مجدي يعقوب 2017 لما القلب يدق

يمكنك مشاهدة الإعلان كاملًا على يوتيوب من خلال المقطع التالي:

يمكنك التبرع لمؤسسة مجدي يعقوب لأمراض وأبحاث القلب بمركز أسوان للقلب قم بإرسال رسالة على رقم 9698 أو اتصل على 19731 ليصلك المندوب أو من خلال باقي وسائل التبرع المذكورة بآخر الإعلان.