التخطي إلى المحتوى
خبير أمني يفجر مفاجأة عن قيمة الدولار العام المقبل 2017 “فيديو”

قال اللواء فاروق المقرحي، مساعد وزير الداخلية الأسبق، خلال مداخلة هاتفية ببرنامج “انفراد”، والمذاع على قناة العاصمة الفضائية، والذي يقدمه الإعلامي سعيد حساسين، بأن الدولار سيصل لأدنى مستوى له الأيام المقبلة، وسوف يأتي يوم لا يجد الدولار أحد يقوم بشرائه في مصر، وهذا بحلول عام 2018 القادم.

وأشار بأن الدولار سيصل سعره في 2017 إلى 7 جنيهات، ودي معلومة محدش راضي يكشفها للشعب، وأنا الاَن أتحدث عنها لأول مرة، وأكد بأن الدولار بحلول عام 2017 سيصل إلى 7 جنيهات، وفي 2018 لن يكون له قيمة ولن يتم شرائه.

وأضاف بأن السبب الرئيسي والذي لم يقوله أحد، وهو بأنه بداية من عام 2017، سوف يتم تصدير كميات كبيرة من الغز الطبيعي لأوروبا، وفي عام 2018 سيتم تصدير البترول الذي سيتم استخراجه من الصحراء الغربية، وهو بكميات كبيرة جداً جداً، سيتم تصديره أيضاً للخارج، وسوف يهبط الدولار لأدنى مستوى له ولن يبحث عنه أحد.

شاهد الفيديو:

قد يهمك أيضًا

التعليقات

  1. زى الكغته وفلوس المؤتمر الاقتصادى والمليون وحده والعاصمة الاداراية واكبر حقل عاز طبيعى واكبر بير ميه بعد اتفاقية النيل و تكاليف فلوس قناة السويس الجديده الى جت فى اول يوم اشتغلت فيه والاسعار الى هتقل وشيكة الطرق الجامده وعربيات الشباب العاطل وغيره وغيره ..لعنة الله على الظالمين ومن والاهم من اى طرف

  2. أكيد الراجل ده ناوى أو عنده معلومات إن الباقى فى البلد هيتباع خلال 2017 وعلى دخلت 2018 الشعب هيمشى ومحدش من إل سمع هجصه هيكون موجود يفكره به

  3. من يوم ما طلع علينا فى وسائل الاعلام كل شوية خبير أمنى وخبير استراتيجى وحال البلد غنى عن التعريف عايز واحد يقولى الخبير الأمنى الفلانى ظهر فى يوم كذا وقال كذا ومحصلش العكس تماما حتى فى المسائل الأمنية

  4. الدولار مش هينزل ولا هيطلع لأننا لا سلطة لنا عليه أما الجنيه مش هيطلع ابدا طالما الاعلام المصرى ماشى وراء الهجص والهجايص الكلام بالصورة إل بيتكلم بها هؤولاء وبينشرها الإعلام تدل على أن الجنيه فى أزمة ملهاش حل غير الاشاعات وفى الأخر نقول لك الله يامصر .ياسيادة الإعلامين والصحفيين والكتاب كفاية هجايص لما تتكلم أو تنشر كلام هجص وانت عارف إنه هجص الشعب بيفد الأمل وخدلك عظة من أحمد موسى أصبح رمز للتشاؤم عند الشعب لو قال يمين الناس بتفهم إنه شمال وبرده لسه مبسوط وبيضحك والناس برده بتضحك

  5. زي كلام الصنايعية يقولك شغال لك فية الاسبوع الجاي ….كمان يومين …… بكرة …….. مايعرفش ان الاسبوع بيخلص واليومين بيعدوا وبكرة بيجي ويجي الزبون مايلقاش حاجة !
    هانت ادي 2017 عالباب ..
    و2018 قريبة برضوا ؟؟؟
    ولو فاكرين الراجل قال سنتين وتشوفوا مصر … برضه السنتين عدوا ومشفناش حاجة بل من سيء الي اسواء ربنا يرحمنا

  6. نتمني ذالك ان الدولار يبقي بربع جنيه ,,ولكن انت كلامك بطييخ ايه ال عرفك بلاقتصاد ايه جاب الغاز للدلاور ايه ال جاب القلعه جنب البحر انت بتجيب لحوم مجمده منيين من اكيد من طنطا مش من البرازيل او امريكا اوالهند انت بتجيب شاي منين اكيد بنها مش من كينيا او البرازيل ودقيق الفينو بتجيبو متلقيش بقي اكيد طلخا مش من امريكا وروسيا طيب العلاج والادويه ولبن الاطفال حديثي الولاده بتجيبهم اكيد من طوخ صح مش من امريكا وفرنسا وبلجيكا طيب والتونه والسالمون وجميع المعلبات متقليش اكيد من كفرالشيخ صح مش من تايلاند الفلبين مالزيا امريكا ارحمونا حرام عليكو كفايه تضحكو علينا بقي

  7. اكيد الخبير الأمنى هتسدد ديون مصر الخارجية البالغة 53 مليار دولار من جيبة ويسدد 3.5 تريليون جنية الديون الداخلية من جيبة وهيسد عجز الموازنة من جيبة والفجوة بين الاستيراد والتصدير البالغة رسمى 50 مليار وعرفى بالتهروب 70 مليار من جيبة ويزيد دخل قناة السويس من جيبة ويزيد تحويلات العاملين بالخارج من جيبة والإنتاج والتصدير وتشغيل المصانع المغلقة من جيبة دية عالم هبلة اوى يا خال ولو ببلاش محدش هيتنازل عن الدولار بالعكس ميزة انخفاض الدولار أن صدق عشان نشتري ونشيلة لحد ما نسدد اللى على مصر من جيبة ويرتفع ونكسب وهو يسدد من جيبة يا اهبل

  8. فعلا كلام رائع ولم يخرج من اي اقتصادي او مصرفي في مصر وصدر من مساعد وزير الدخلية يعني رجل امن ومع احترامي الكامل لهذا الرجل اقولة واسعة جدا جدا عموما نخليها في بند التخمينات عموما لو عندنا بترول يكفي مصر لية نستورد وايضا لو عندنا غاز طبيعي لية نستورد غاز البتوجاز ونصدر المادة خام ونستورد مشتقات الغاز واللة من زمان وبقول لية ميتعملش مصنع لفصل مشتقات الغاز من اكثر من عشر سنين ومتي تم عمل المصنع هذة السنة وكان المشروع غير مجدي مصر مليانة غاز طبيعي من اسكندرية الي اسوان ومع ذلك الازمات لا تفارقنا وعجبي ليس تقصير ولكن عيب في من يحمل المسئولية ليس هناك ابداع عندنا موظفين بدرجة مدير ومدير ادارة ورئيس مجلس ادارة الي ان نوصل موظف بدرجة وزير وخلاص فين الطموح والتنمية المشاريع ذلك الولد اللي من المنصورة حينما تقدم بمشروع حيوي مفيد قالولة نام يتبني وارتاح وحينما استقبلتة الامارات وقدرت المشروع واعطوة الجنسية واصبح مواطن اماراتي قامت الدنيا ومقعدتش وطلعوة خاين وجاسوس عشان اية عشان الروتين والمسئولين الذين لا يهمهم غير انة يمضي حضور وانصاف وكان اللة بسر عليم اللهم اصلح شان مصر واهلها يا رب ويسر امورنا وانقذنا يا اللة من الروتين الذي يثقل كاهل الشعب الغلبان يا اللة

اترك تعليقاً

لن يتم نشر عنوان بريدك الإلكتروني.