سمحت محكمة جنايات القاهرة، المنعقدة بمعهد أمناء الشرطة بطرة، برئاسة المستشار “حسن فريد”، للمحامي “عصام سلطان”، بالخروج من قفص الاتهام، اليوم الثلاثاء، خلال محاكمة 739 متهمًا، في قضية “فض اعتصام رابعة العدوية”، وأعطته الميكروفون للدفاع عنه وعن بقية المتهمين.
هذا وقد ظهرت آثار الانفعال على “سلطان”، قائلاً: “ولا المحكمة طلبت ولا النيابة أمرت أومال مين، الذي أمر بوضع حواجز زجاجية، إذا هناك طرف غير قضائي مش هسميه سياسي علشان أنا ممنوع أتكلم في السياسة، يعني كدة معانا طرف غير قضائي وكلامه بيمشي ولا كلام المحكمة اللي بيمشي”.
وتابع نائب رئيس حزب الوسط الأسبق، بعد رد عليه القاضي: “أننا من طلب وضع هذه الحواجز علشان عدد المتهمين بيعمل ضوضاء”، قائلاً: “إذن أين هذا الطلب في محضر الجلسة؟، وتبقى حضرتك طلبت طلب غير موجود في ملف الدعوى، لأن حضرتك لما بتطلب بيتكتب في محضر الجلسة، وبما إنه مفيش حاجة مكتوبة وحضرتك بتقول إنك طلبت يبقى في حاجة غلط”.