هنتعمل النهاردة طبق جديد فى مطبخ مصر فايف وهنعرف المقادير والخطوات , علشان كل فتاة او ربة منزل تقدر تنفذه لافراد اسراتها وكمان يكون مفيد وشهى .
طبق اليوم بنحبه كلنا وهو الكفتة وفى انواع كثيرة جدا من الكفتة فى كفتة البطاطس وكفتة التونة وكفتة الحاتى وكفتة مشوية وكفتة الفراخ وكفتة الارز , وغيرها كثير من الانواع .
لكن اليوم هنعرف طريقة تحضير الكفتة المشوية فى الفرن ولكن طعمه اجمل من كفتة الحاتى , اولا هتوفر جدا وثانيا بتكونى ضامنة جودتها وان مكوناتها جيدة , والاهم انك هتعمليها فى جو اسرى وهتسعد بيها افراد اسرتك , ايه رايكم نعرف المقادير والخطوات وبالهنا والشفا .
المقادير :-
1/2 كيلو مفروم
بصلة مبشورة
ملح+ فلفل
معلقة زعتر صغيرة +بهارات + فلفل اسود
حزمة بقدونس مقطعه صغير جدا
1/2 كوب بقسماط ناعم
5 افصاص ثوم
1 كوب صلصة طماطم
الخطوات :-
اولا قومى بخلط جميع المكونات السابق وضعيها فى اناء ثم اتركيها فى الثلاجة لمدة ساعة , بعد ذلك احضرى خلة السنان الطويلة وقومى بتصبيع العجينة عليها وبعد ذلك قومى بدهن صينية مستطيلة وضعى اصابع الكفتة بها , وبعد ذلك رشى كوب الصلصة على صوابع الكفتة على الوجه , وضعيها فى الفرن لمدة 20 الى 25 دقيقة وتنضج الكفتة ثم تخرجينها من الفرن وتنزعى خلة الاسنان الطويلة وتقدم على طبق مع بعض ازهار البقدونس .
