موعد صرف رواتب شهر يوليو 2015
قانون الخدمة المدنية

أصدرت وزارة المالية المصرية قرارا بشأن موعد صرف رواتب شهر يوليو 2015، وكان قرار وزارة المالية تقديم موعد صرف الرواتب وذلك لاقتراب موعد عيد الفطر المبارك وأيضا بمناسبة بدء السنه المالية الجديدة في يوليو 2015.

موعد صرف رواتب يوليو 2015

ومن المتوقع تأجيل العمل بقانون الخدمة المدنية الجديد وأنه سوف يتم صرف رواتب شهر يوليو 2015 تبعا للقانون رقم 47 لعام 1978م الذي تم إلغاءه بعد أصدار قانون الخدمة المدنية الجديد، وذلك لعدم وصول قرار رسمي حتي الآن من الجهاز المركزي للتنظيم والإدارة عن الهيكل الجديد للأجور.

وحددت وزارة المالية موعد صرف رواتب شهر يوليو القادم وأصدرت قرارها بذلك وسوف يتم صرف المرتبات في 15 يوليو 2015.

التعليقات

  1. الوقتى الناس الشغاله اكتر من عشرين سنه واثبتو من سنتين بيتعاملو زى ال لسه متعين جديد او ال قبلهم بكام سنه فى نظام الاجور الجديد فى وزاره الرى مش كده حرام

  2. لن ينصلح حال التعليم إلا بصلاح أحد أركانه وهو المعلم حتى لو عينوا مراقب على كل معلم واتبعوا سياسة الحديد والنار والجزاءات والخصومات طول ما المعلم مهموم ويفكر في أكل عيشه وكيف سيصرف على أسرته ومرتبه لا يكفي لنصف الشهر أكيد لن ينجز وحتى إن أنجز لا مقررات جيدة ولا فصل جيد فيه أعداد كبيرة من الطلاب ولا سياسة تعليمية جيدة على فكرة المعلمون يعملون كثيرا والنتيجة هي صفر بسبب المجتمع والأسرة والبقاء لله في أمة إقرأ مهانة المعلم مهانة للتعليم فلن ينصلح حال أمة معلمها مهانة

  3. انا باحث قانون في وزارة الصحه انا فاهمة السادة المسئولين عايزين ايه مننا احنا طالع عين ابونا على شوية ملاليم وفي الآخر الكادر يطبق على الفنيين ومرتباتهم تعلى أووووي واحنا في الأرض والا ايه القانون اللي يتنفذ نصه والنص التاني على متفرج ارحمونا بأن حسبي الله ونعم الوكيل.

  4. الجكومه بتحاول تعمل حاجات كويسه للناس بس الشعب خد علي البلاده والسك

  5. نداء الى السيد الفاضل وزير التربية والتعليم انا من كفر الشيخ وكنت احمل بالتربية والتعليم حارس امن
    وسويت بدبلوم تجارة كاتب رابع ف ديوان المحافظة انتقلت الى الوادى الجديد سنة ٢٠٠٥ وعملت اكثر من الف طلب انتداب ولم يتم المافقة علية ارجوا من سيادتكم النظر لى بعين الرحمة والشفقة ف اولادى فى وادى وانا فى وادى وانا اقطع الف كيلو من كفر الشيخ حتى الودى الجديد ومع ذالك لا اتلقى اى رد على طلبى لا بالرفض ولا بالقبول

  6. اومال شاطرين بس تذودوا رواتب معاشات الجيش لسه قرار راسى صادر امبارح …ارحمونا بقى الواحد حيطق

    1. دول بيحموا الحدود و يحاربوا الإرهااااااااااااااااااااااااااااااااااااااااااااااااااااااااااااااااااااااااااااااب سا كابتن

  7. بصراحة كان الافضل لتحقيق مبدأ العدالة الاجتماعية ان يتم زيادة المعاشات كحد ادني 200 ج للذين تقل معاشاتهم عن 500 . لان صاحب المعاش الذي يتقاضي معاش 400 ج ! ماذا تفعل لة ال 10% اي انة سيزداد 40 ج هل هذا معقول.ارجو ان يتفهم ذلك الرئيس السيسي ورئيس الوزراء.. لان اصحاب المعاشات لهم 550 مليار ج في رقبة الدولة من ايام بطرس غالي استولي عليهم وادخلهم في ميزانية الدولة. ونطالب بحقنا ولا حياة لمن تنادي .

    1. استاذي العزيز مفيش معاش اقل من 500 جنيه لان فيه حاجة اسمها مادة رفع معاش .. يعني اللي معاشه 400 جنيه زي ما حضرتك بتقول بياخد اكتر من 250 جنيه رفع معاش ده غير الزيادات بتاعة ال 10%

  8. طب هى أيه المشكلة ؟
    هى المشكلة أن مجلس الادارة قام بزيادة مرتبه و زيادة بدل حضور مجلس الادارة عن مجلس الادارة السابق ؟ هى دى مشكلة ؟
    هى المشكلة أن مجلس الادارة يصرف مكافأة تميز أى كان الرقم أيه ؟
    هى المشكلة أن الناس لحد دلوقت ماصرفتش حافز و بدلات شهر يونيو ؟
    هى المشكلة أن الناس لحد دلوقت ماصرفتش مكافأة التميز عن أعوام 2012.2013.2014 ؟ هى دى المشكلة ؟
    هى المشكلة أن فى ناس بتشتغل بضمير قوى و فى ناس مابتشتغلش خالص و الاثنين سواء ؟ هى دى المشكلة ؟
    هى المشكلة أن الناس مش عايزة تشتغل ولاا أدارة الشركة مش بتشغل الناس ؟
    هى المشكلة ان الناس اللى بتشتغل زى الناس اللى مابتشتغلش ؟ هل دى مشكلة ؟
    هى المشكلة فين ؟؟؟؟؟؟؟؟؟؟؟؟؟؟؟؟؟؟؟ عايزيين نحل مشاكل المصرية للملاحة ؟؟؟؟؟؟؟؟؟؟؟؟؟؟؟؟؟؟ هى المشكلة فين ==== ياسسساده يا كرام / اخرة المسسسسكنات هبوط فى الدورة الدموية ووفاة او نهاية مؤكده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ المقابلة الشخصية للرئيس و رئيس الوزراء بالمستندات افيد مليون مره من المكاتبات و الوضوح بالحقائق لتادية واجبك و اخذ حقوقك الا الموج عالى ووصل الى اعلان ايجار مبانى المركز الرئيسسسى للشششركة اى الاصول الثابته بمعنى ماحصل فى السبعينات للشركة المصرية لمصايد اعالى البحار ((( كانوا بيقولوا للجميع تقعدوا فى بيوتكم و تيجوا اول كل شهر تقبضوا ))) علشان توفروا النور و الميه و التليفونات لميزانية الشركة و اللى يلاقى شغل بره يقدم استقاله حتى انتهت ؟؟؟؟؟؟؟؟؟ و الله الموفق بقيادة حبيب الشعب ورئيسسسها / عبدالفتاح السيسى ورئيس الوزراء المتواصل مع جميع فئات العمال الغلابه المهندس الشعبى فى بساطته / ابراهيم محلب ………. و تحيا مصر للمصريين الشرفاء ؟؟؟؟ هى المشكلة فين == 6 اغسطس فتح قناة السويس الجديده بدون عودة نشاظ الاسطول البحرى المصرى التجارى الممثل فى رائدة النقل البحرى بجمهورية مصر العربية كقطاع عام و اساس ام الملاحيين بر و بحر الا و هى ((((( الشركة المصرية للملاحة البحرية ))))) و مركزها الرئيسى 2 شارع النصر بقسسسسم الجمرك = امام باب 10 للركاب و لميناء الاسسسسسسسسسسسسسكندرية (( هى المشكلة فين ؟؟؟؟؟ )) (((((((((((((((((((( طوف و شششششششششششششششوف يا مسسسسئول ))))))))))))))))))))))

  9. زمان كان الواحد يطلع معاش يلاقي معاشه أكثر من الراتب اللي كان بياخده
    دلوقت المعاش يمثل ٣٠% من الراتب اللي كان بياخده
    اتقوا الله في أصحاب المعاشات يادولة محترمة

    1. والله مكمل المعاش ١٠٪ من الى كنا بنخده والحمدلله رب العالمين غيرنا مس لاقى

  10. بجد الى عجبنى فى الحكومه انها احسن حكومه تعلمك ازاى تسرق ازاى ترتشي ازاى تنفض للشغل لى انك مش واخد حقك ومحتاج تعيش حكومه بسم الله مشاء الله

    1. الا من رحم ربي وهداه للحقيقة انه لا حيلة في الرزق اللهم قنا شر الرزق الحرام وارزقنا من الطيبات

    2. الى عاوز يسرق ولا يرتشى ده اصيل فيه محدش علمهوله لان الى بيخاف ربنا مهما حصل معاه بيقضيها بدقه ولا يسرق ولا يرتشى اتقوا الله

  11. قانون معظم بنوده غير مدروسه وتصب ضد المصلحه العامه وضد الموظف وضد البحث العلمى والا رتقاء بالموظف الذى تبعا ترتقى بفكره الدوله جاء القانون كوجهات نظر سيئه لارضاء الجهات العليا كى تبقى فى مناصبها ظنا منهم انهم يخدمون البلد ولكن هذا القانون ليس فى مصلحة البلد

  12. كل سنة يحصل نفس السيناريووو دوت فين موظفين التنظيم والادارة ولا بتحصل على هيئات هيئات وحرام لما ينزلوا شهر على الاساسى بس علشا مصاريف شهر رمضان والعيد حرام كدااااا كفاية الناس ملت

  13. كيف للموظف ان يواجه هذة الزيادة الرهيبه فى السلع التى وصلت الزيادة فيها الى أكثر من 35% وفى نفس الوقت ليس هناك 10% فى المية العلاوة الدورية ولا 5% ويظل المرتبات كما هى , ما رد الحكومة على ذلك ولا علشان مفيش مجلس شعب يتكلم بالنيانة عن الشعب المطحون؟

  14. القانون الجديد قانون فاشل ليس له مميزات للموظف ومدى الصلتة للرئيس المباشر يعنی الموظفين عبيد

  15. بحكم عملي بالمرتبات اقول للسادة متخذى القرار كلمة واحدة فقط لو بتحبوا البلد بجد اوقفوا هذا القانون الفاشل وكمان خلوا الللي يعمل القانون اصحاب كل جزء منه مش اصحاب المكاتب والتكيفات

  16. ط

    ب احنا بنشتغل في الجمعبات الاهليه ذات المنفعه العامه هما قالولنا كده اولا لم يطبق علينا الحد الادني للمرتبات يتم صرف المرتبات في الموعد العادي اي يوم 26 االعلاوات تاخذ بالعافيه احنا بقي فين قانون العمل بتاعنا لاننا لانتبع الحكومه زي مابيقولوا والله المستعان

  17. انا سمعت ان المعلمين خارج هذا القانون يا ناس فيه مدرسين مبيدوش دروس ذى التربية الرياضية وانا مدرس تربية رياضية لازم ان نضع فى الاعتبار هذه النقاط

  18. يا ريت تنظروا للمدرسين اى نعم احنا مصلحه مستهلكه لكن اكثر جهه حكوميه بتعمل وبالرغم من ذلك اقل مرتبات فى الدوله هى مرتب المعلم فياريت تنظروا الى ذلك مش كل المعلمين يعطون دروس خصوصيه لا تاخذوا الجميع فى الرجلين يا ريت

  19. والله الذي لا اله الا هو
    ان مافيه قانون ينفع غير قانون الشريعه الاسلامية لانه ومن لم يحكم بما انزل الله فاولئك هم الخاسرون

  20. يارب اصلح لى حالى كله ولاتكلنى الى نفسى طرفه عين وباعد بينى وبين كل فاسد او ظالم او جبار فى الارض

  21. اتا مش عارف الحكومة عايزة ايه من الموظفين يا تدونا مرتبات نعيش عيشة كريمة أو تطلعونا معاشات وتدونا برده معاشات محترمة نعيش بيها برده عيشة كريمة الله يخليكو يا جماعة ثورة يناير عايزة تتفند لثلاث ثورات واحدة للخبز والتانية للأجور والتالتة للحريات .

  22. بالنسنه للموظف اللى خرج معاش قبل صدور القانون الجديد الذى تم توقيعه في ١٢\٣الومظف لم يصرف بدل الاجازات حتي الان ..ايه الحل لم يطبق علينا القانون القديم ولا الجديد يعنى احنا في الشارع.مع العلم ان ده حق اصيل للمحال للمعاش

  23. نفسى حد يفهمنى /قانون العمل الغير وحد ده خاص بمين في مصر طالما استنثى منه الجيش والشرطه والجهاز المركزى والتربيه والتعليم والازهر**المدرسين بهم** والسلطه القضاءيه والوظائف الدبلوماسيه والخفراء ****************اذا لمن يكون القانون (عفوا ومظفوا رئاسه الجمهوريه) بالله عليكم لمن يكون القانون **من يجد الرد المناسب جزاه الله خيرا

  24. الواحد يعمل ماجستير ودكتوراه وفي الاخر ياخد 2.5% يعني في حدود 20 جنيه ده يدل ان البلد مش بلد علم بلد رقص

  25. ايوة الفساد موجود زى ماهو فى الوزرات والقانون دى مش فى مصلحة الموظف حرام عوزين عدالة فى المرتبات علشان نعيش زى الناس الا عيشة

  26. اولا قانون الخدمة المدنية في حد ذاته فيه مميزات وعيوب وعيوبه اكثر انه معظم بنوده جاءت غير صالح للموظف بمعني البند الخاص بان رئيس القسم او الرئيس المباشر هو الخصم والحكم والجلاد في ان واحد وغير ذلك بند الجزاءات ان مافيش اي موظف كان اخد جزاءات حتي لو اقل من 5 ايام جزاء وطلب انهم يتشالوا من الملف الخاص بيه اتلغي اما بخصوص الاجازات فطبعا سيحدث ارتباك واضطراب بسبب بند الاجازات وهي ان في موظفين ليهم اجازات عارضة مااخدوهاش لسه والمطلوب منهم قبل 30 يونيه انهم ياخدوا اجازات العارضة لانها هاتروح عليهم في بنود كتير مش متذكرها بس علي ما سمعت من كثير انه ليس في صالح الموظف

  27. هي الزيادة فين اصلا وهما بيخصموا بقالهم مدة ولا علشان الواحد لما يجي يطلع معاش ميبقاش فيه اصلاً معاش يعني بدل ما تعلم ولادك روح دور لهم على شغلانه يكلوا منها عيش في المستقبل المر اللي هيشفوه لسه

  28. وصلت التعليمات الماليه لقانون الخدمه المدنيه للوحدات الحسابيه ويتم التطبيق مع مرتب يوليو الحالى

    1. مرتبات يوليو علي قديمه باستاذ سامي …يبدو ان معلوماتك جانبها الصواب .

  29. الحكومة تقول يوم 15 يوم 20 الحمد لله الشركة بتقبضنا يوم 25 يوم 30 فيه رمضان فيه عيد مش فارقة معاهم لان مفيش رقابه ولا احد بيحاسب والفساد هيفضل في البلد مش هيخلص والضحك علي الشعب مش هينتهيولا علاوة ولا اي حاجة كله ضحك علي الدقون

  30. يعني هو بمزاج ابو الدوله تحط قانون وبعدين تلغيه في الوقت اللي نفسها فيه ومفيش ولا مجلس شعب ولا قضاه
    كله بالمزاج ياحكومه وسخه ..إيه البلد اللي مفيهاش تشريعات ولا قوانين ..واحد دخل الحمام اخترع قانون ولا أخد رأي المجتمع المدني ولا أخد رأي حد ..حسبي الله ونعم الوكيل ….عاد التاريخ تاني

    1. اللي بيحبك القانون واحد ناجح بالعافيه فى الثانوي وبرضه اللي بي حكم في القضايا عشان كده مش عارف يحط قانون ولا يحكم في قضيه بس إستاد في الباقي

  31. كل سنة يتم تأجيل القانون وتروح الزيادة السنوية او العلاوة الظاهر والاكيد انه مفيش زيادة ولا قانون علشان يوفرو العلاوة السنوية

  32. هي الحكومه حتلاقي فرصه احلي من العيد علشان تاجل القانون الجديد كل سنه وهي طيبه

  33. هي الحكومه حتلااقي فرصه احلي من العيد علشان تاءحل القانون الجديد كل سنه ولوزاره طيبه

  34. يا شعب مصر العظيم عيب عليكوا كدة من غير زيادة في المرتب عايشين ولو فى زيادة عايشين فيةا

  35. هو فين المكن اللى حنصرف منه المرتبات . مركز بالكامل مفيهشى غير اربع ماكينات صرف وهم دائما مزدحمين زحمه فظيعه قبل الموظفين ما يصرفو رواتبهم بالفيزا كارت . امال بعد الموظفين ما يزدحمو عند المكن زائد على ذالك الزحمه الاولى ايه اللى حيحصل اكيد حيبقى فيه طابور طويل وعريض والله المستعان

  36. الناس فاضلها تكه وهتقوم على البلد تاكلها بسنانها احنا مش شايفين اى تغيير زى ما احنا محلك سر اللى بيبقبض مليون لسا زى ما هو بل زاد شوية واللى بيقبض ملاليم لسه زى ماهو بل زادت عليه الاسعار وزادت عليه الكهرباء والميه وهو زى ماهو فين العدالة الاجتماعية 7 جنية زيادة فى التموين بتوع رمضان هما دول العدالة حسبيا الله ونعم الوكيل …………. اه نسيت ابقوا قولوا عليا انى اخوان وعميل

  37. اولا موعد صرف مرتب يوليو معلن عنه من قبل شهرين يعنى الخبر هنا مش جديد ثانيا سوف يبدا العمل بالقانون الجديد من 1/7 القادم وهو فى صالح العاملين واللى عايز يتاكد يقرا جريدة الجموريه وجريدة المسا يو م 26/6 على هذا فان هذا الموقع يثير البلبله بنشر اخبار كاذبه وباقى من الزمن ايام قليله والميه تكدب الغطاس

اترك تعليقاً

لن يتم نشر عنوان بريدك الإلكتروني.