من ضمن الاكلات المميزة التى يحبها الكبار والصغار الكفته وجرت العاده ان تكون الكفته باللحم وتختلف التتبيلات والوصفات وطريقة الطهى اما اليوم فنقدم لكم كفتة الفراخ اللذيذة كفته جديدة بطريقة جديدة واليكم التفاصيل .
المقادير:.
نص كيلو فراخ بانيه مغسول كوبس ومنقوع بمية وملح ولمون
* حبة بطاطس كبيرة ومسلوقه .
* بصلتين متوسطتين .
* ملح وفلف وبهارات اللى تحبيها ولمون .
* 3 فصوص توم كبيرة .
* رابطة او حزمة بقدونس بس خدى الورق بس.
* عدد 2 بيضة .
* بقسماط للقلى .
الخطوات :.
هنفرم كل المكونات السابقة مع بعض ماعدا البقسماط والبيض لحد ما ينعموا ، وبعد ما تنعم العجينة جدا نضيف البيض ونفرمها تانى ، نحطها ساعه بالتلاجة وممكن متحطيهاش وبعدها نقطعها كور او صوابع زى ما تحبى وبعدين تقلبها بالبقسماط ونسبها 10 دقايق وبعدين نقليها ولازم متكنش النار عالية عشان تستوى ، ولما تحمر وتاخد لونها طلعيها على مناديل او ورق زبده لحد ماالين ينزل والبهنا والشفا .
ممكن تقدميها فى سندوتشات وجنبها بطاطس وكاتشب ومقبلات وممكن جنب مكرونه زى ما تحبى .كفته فراخ
