أثارت صورة بطريقة السيلفى ألتقطت داخل غرفة العمليات، جدل كبير على مواع التواصل الإجتماعى “الفيس بوك”، حيث أظهرت الصورة بعض الأطباء أثناء قيامهم بعملية جراحية لأحد المرضى الفاقد للوعى على سرير العمليات، وبجواره بقعه من الدم، فيما يقوم أحد الأطباء بتوجيه أداة جراحية على جسد المريض.
بينما حاولت إحدى أعضاء الفريق الطبى أن تظهر فى السيلفى، فإنحنت قليلاً على جسد المريض من أجل أن تظهر فى الصورة، واكتفى باقى أعضاء الفريق بالنظر إلى الكاميرا مع ابتسامة عريضة، دون إرتداء قفازات التعقيم المفترض ارتدائها داخل غرف العمليات.
النشطاء الذين تداولوا الصورة على الفيس بوك، أعربوا عن سخطهم ورفضهم لما قام به الفريق الطبى من إستهانه بحقوق المريض الفاقد للوعى تحت أيديهم.
فيما استنكر البعض من كيفية دخول الموبايل لغرفة العمليات المعقمة التى يحرص فيها على سلامة المرضى والأجهزة التى تقدر بالملايين، مضيفاً أن الصورة كارثة بكل المقايسس، فالجزارين نزعوا الأقنعة لإلتقاط السيلفى، وكيف بهؤلاء الذين لم يرتدوا جوانتيات التعقيم؟؟؟ كذلك عدم تغطية الشعر!! وطالبوا بتقديم إعتذار رسمى من إدارة المستشفى عن الصورة محل الحديث.
بينما سخر أخرون من الفريق الطبى قائلين “فاكرين نفسهم على الكورنيش قدام مريض بطنه مفتوحة، أهله هيموتوا عليه بره وقاعدين ياخدوا سيلفى”.
فيما رد أخرون على الهجوم قائلين ” انتوا تعرفوا الناس اللى فى الصورة دى انقذوا كام مريض، وتعبوا قد اية مع المريض اللى فى الصورة عشان يبقى أحسن، تعرفوا قد اية سهروا وتعبوا تحت ضغط الشغل، ولما فرحوا وحبوا يفتكروا تعبهم بصورة يبقى دا التقدير اللى مستنينه!”.
قمة السذاجه وسوء التصرف / لو كان ده حال الاطباء الى هم المفروض قدوه والناس بتثق فيهم ثقه عمياء
فماذا سيفعل من هم اقل منهم شأنا / وبعد كده نرجع نقول فى اهمال طيب ده اذا كان الناس الى المفروض يكونو بعيدا جدا عن الاهمال بيعملو كده يبقى سبتو ايه للغير متعلمين
وبعدين فى ناس لا يطلق عليهم ناس بتقول دول بيتعبو وبيدافعو عنهم احب اقولهم السيلفى مش فى وقت العمليه والمريض جسمه مفتوح ده يكون بعد انتهاء العمليه مش اثناء العمليه
زى ما انت شايف اكبر ما فيهم عيل وتلاقيهم كلهم متخرجين من الجامعات الخاصه ف بديهى اللى بيعملوه وان ما خفى كان اعظم ربنا ما يحطنا تحت ايد دكتور ابدا ويكون دكتورنا هو القران والثقه بالله
طب ما كان حد فيهم رفع الغلبان اللي بطنه مفتوحه خليه يخش في السلفي وللا هو مالوش نفس يعني
اكيد معندهمش حق فى اللى عملوه لان ارواح الناس مش لعبه والاخ اللى بيدافع عنهم لوقريبك اللى تخت ايدهم كان هيبقلى ده رايك لا اظن
بما أنكم أنقذتوا كام مريض، إذاً فمن حقكم فعلاً أن تنهوا حياة كام مريض بالمثل، هو في حاجة في مصر اسمها نجاح على طول، لازم نركن في السكة شوية حتي وإن كان هناك توفيق من الله دائماً، فنحن خلقنا لكى نعترض، فلكم أن تعترضوا على إنقاذكم كم حالة بالطبع، واللى مش عاجبه يجي يشرب من بطن الراجل المفتوحة دى.