أنتقض الإعلامي أحمد موسى في برنامجه على مسئوليتي والمذاع عبر فضائية صدى البلد الليلة، التصرف الذي قام به السيد محافظ الإسكندرية، باصطحاب زوجته في أجتماعات رسميه تخص شئون المحافظة، بل وفى اجتماعات على مستوى الوزراء وكان آخرها اللقاء مع الدكتورة ليلة إسكندر وزيرة البيئة، دون صفة رسمية لتواجد السيدة حرمه.
وتسائل أحمد موسى ما المغزى والكينونة من تواجد السيدة حرم المحافظ على طاولة اجتماعات تخص عمل رسمي لحل مشاكل الإسكندرية، الأمر الذي أدي لحاله من الاستياء و الضيق والاشمئزاز و التعجب من هذا التصرف بين المسئولين وأهالي الإسكندرية.
واستنكر أحمد موسى على السيد محافظ الإسكندرية هاني المسيرى، هذا التصرف وطالبه بالتوقف فوراً عن اصطحاب زوجته في الاجتماعات الرسمية التي تخص عمله، ووجه له الحديث قائلا أن مصر مليئة بالكفاءات خاصةً أهالي محافظة الإسكندرية، حتى لو لم يكن هناك من هي في كفاءة زوجته ومهما كانت خبرتها قائلا “أيه الهزار ده وأيه الهم والغلب ده”.
وتعجب موسى من عدم تحرك المسئولين لتوبيخ السيد المحافظ ومطالبته بالتوقف فوراً عن هذا التصرف، واستعجب موسى من حديث السيد المحافظ عن الاستعانة بزوجته في برامج التطور الذي ينوى تنفيذها، ووجه رسالة موسى لزوجة المحافظ “لو كونتي بتغيري عليه يقعد في البيت”.
واستشهد موسى بكفاءة المحافظين السابقين للإسكندرية خاصة اللواء عبد السلام المحجوب، ومدى الحب الذي لقاه من أهالي الإسكندرية وكذلك التطور الذي شهدته المحافظة على يديه.
بسم الله الرحمن الرحيم . ربنا لاتؤاخذنا أن نسينا أو أخطأنا ولاتحملنا مالا طاقة لنا به . صدق الله العظيم
كلام الأعلامى أحمد موسى فى قمة الصراحة والوضوح وفعلا لو السيد المحافظ مش أد هذا المنصب المكلف به يعتذر أفضل له ولو يريد نصائح مش منظرة أو مظهرة للشو الأعلامى يبقى نكلف أى ممثل لأدتاء الدور التمثيلى بدل من هذا الدونجوان ولعلمك كل شباب أسكندرية ممثلين ودونجوانات كمان يعنى ماتجيش فى حارة السقايين وتبيع الميه لأن أهل مكة أدرى بشعابها وطرقها أحنا عاوزين محافظ مسئول للعمل مش ممثل البلد مش ناقصة تمثيل ولا حبيبة للعلم أنت مكلف بشىء ولا تخرج عنه لأنها فترة زمنية وبعدين تنزل من على الكرسى وتشوفلك فيلم تانى غير الأفلام الهابطة علشان أهل أسكندرية شبعوا تمثيل فياريت تشوف مشاك لالمنطقة وسيبك من الكورنيش وأدخل العشوئيات والشوارع الجانبية والعزب والقبارى ونادى الصيد والعصافرة وأبو خروف وسيدى بشر من الداخل وغربال وكرموز وغيره ولو مش عارف السواق بتاعك حيوريلك الشوارع لأنك عاوزلك سنه علشان تفهم أيه أسكندرية وكفاية لغاية ماتعرف الشوارع بس وهموم الشوارع والباعة الجائلين مش بتوع العجل وسباق الدرجات وسيب الرياضة لناسها مش كل أهل أسكندرية نادى اسبورتنج أو سموحة شوف الناس اللى ماتعرفش غير الشلالات وبحر الشاطبى والأنفوشى وأنسى رواد بحر المنتزة وشارم الشيخ وراعى أن الناس غلابة مش بياكلوا زيكم وكفاية لعب بمشاعر الشعب الغلبان والناس المساكين أنتم مش حاسين بفقر الشعب المسكين وظروف الحياة الصعبة والناس اللى بتموت ومفيش علاج وسيبك من ركوب العجل وشوف هموم المواطنين اللى مش لاقين تمن العجلة اللى أنت بتتريض بيها وبلاش تقلد رئيس الجمهورية علشان مفيش غير سيسى واحد والناس بتحبه وياريت تخليك فى شغلك وسلام ياسيادة المحافظ وياريت تحافظ على أسكندرية !
هوفيه ايه*** عايزين ايه هو انتم معندكوش حاجة فى البلد غير زوجة المحافظ ماهوزوجة البرنس قبل ذالك كانت تنظف الشوارع نصيحا سيبوكوامن المود الى انتم فية والبلد فيها مايكفيكوا ويكفيها