قام عمر جابر لاعب نادي الزمالك من خلال مداخله هاتفيه علي قناة النهار للرياضة إلي برنامج”كوره كل يوم” الذي يقدمه الكابتن كريم شحاتة، بعزاء أهالي ضحايا أحداث إستاد الدفاع الجوي، وروي عمر جابر الأحداث التي مر بها في إستاد الدفاع الجوي قائلا ” كنا رايحين الإستاد وعارفين إن فيه جمهور جاى، وفي الطريق لاقينا الجمهور وقف قدام الأوتوبيس وقالولنا إن فيه ناس توفت من الجمهور وإن فيه اشتباكات”.
وأضاف جابر قائلا”الجمهور قال لنا إن فيه وفيات عند الإستاد، وكانوا محاوطين الأوتوبيس، كنت واقف مع حازم إمام وقال لنا خلاص مش هنلعب عشان اللي حصل، الساعة 7 جت الشرطة وحدفت القنابل المسيلة للدموع، وشفنا الموت يعنينا والباب كان معلق فقعدنا نفتح باب الأوتوبيس عشان كان معلق، والغاز دخل جوه الأوتوبيس، فقعدنا نجري في الصحراء من كم الغاز”
واستكمل قائلا “قالوا لنا مفيش حد مات وناس من الجهاز قالوا لنا إن إحنا مش هنلعب وبعدين جالنا أخبار إن مفيش حد توفى، وأنا كنت واخد قرار إني مش هقدر ألعب صحيًا ونفسيًا من كثرة الغاز اللي استنشقته، فقلت لهم مش قادر وإيدي بتترعش وصوتي رايح، وروحت للدكتور وأخدت حقنة، مش قادر أقف على رجلي”.
وتابع جابر قائلا” كنت واخد قرار من البداية إني مش هلعب المباراة، وعندما شجعني الجمهور فقلت لهم: بعد إذنكم عشان الزمالك ما تشتموش الزمالك”، وأضاف: “أنا الحمد لله محبوب ومش محتاج أعمل حاجة عشان أبقى بطل”.
وطالب اللاعب عمر جابر بفسخ العقد مع نادي الزمالك قائلا” أنا مش هقدر ألعب تاني في نادي الزمالك تاني أنا لازم أبعد عنها مش قادر، عشان حاجات كتيرة جدًا.. أنا مبحبش المشاكل”
وتابع جابر عن لاعبي نادي الزمالك” أحترمهم جميعًا، وكلهم رجالة، ولو كانوا يعرفوا إن حد مات كانوا وقفوا اللعب
جرام عليكى انتى مفترية قوى ربنا يهدك
راجل يا عمر
في ستين داهية يا فتان لا وجود لك بيننا ومهما عملتوا هنفضل نحب اللاعيبة ونفتخر بهم و احنا حافظين الاعيبك دي عشان تروح الاهلي ما هو اصله ابوك اهلاوي ايه الي خلاه يجيبك عندنا يا فاشل حسبي الله ونعم الوكيل فيك والله ستحاسب في الدنيا قبل الاخرة على ما فعلته ورحم الله ضحايانا لو الجمهور الي دخل المدرج ده كان همه الناس الي ماتت مكانش دخل المباراة وده لانهم عايزين يكملوا باقي المؤامرة داخل الملعب والله المنتقم زملكاوية وافتخر