التخطي إلى المحتوى
المصرية للأتصالات تخطر 2 مليون مشترك بتغيير أرقام هواتفهم

أعلن مصدر مسئول بالشركة المصرية للأتصالات أن الشركة بدأت في توجه خطابات لحوالي 2 مليون عميل من مشتركي الهاتف الأرضي وذلك لإخطارهم بتغيير أرقام تليفوناتهم الأرضية.

وأضاف المصدر أن سبب ذلك هو اتجاه الشركة لتجديد بنيتها التحتية من خلال الاستغناء عن الكابلات النحاسية وإحلال كابلات الفايبر محلها.

وقالت الشركة المصرية للأتصالات في بيان صحفي صادر منها اليوم أنه في ضوء مواكبة سباقة لإعلان الأمم المتحدة عام 2015 بأنها ستكون السنة الدولية للضوء وذلك لتشجيع الدول والمؤسسات حول العام من الاستفادة من علوم وتقنيات الضوء لتحقيق حياة أفضل ووصول اسهل للمعارف الحديدة.

لذا فإن الشركة المصرية للأتصالات قامت بالاستثمار بقوة في البنية التحتية للبرودباند وتكنولوجيا الألياف الضوئية وذلك من أجل الفوز بمزيد من رضا العملاء الذين يرغبون في الحصول على خدمات الانترنت بجودة فائقة وبسرعات عالية .

وقامت الشركة المصرية للأتصالات بتوقيع عدد من الاتفاقيات مع كافة الشركات العاملة في مجال تقديم خدمات الانترنت في مصر بخصوص استخدامهم لشبكة الألياف الضوئية الخاصة بالمصرية للأتصالات لتقديم خدمات الانترنت بسرعات عالية وبأفضل جودة ممكنة للعملاء.

قد يهمك أيضًا

التعليقات

  1. انا ياما كلمه T.E Data عشان اشترك فى النت و يقولولى مينفعش عشان الكابل اللى عندك ميركبش عليه و بتاع 6 شهور كلمتهم تانى قالولى اه تمام و هنركبلك يا فندم و اشتركت فى العرض و قالوا هتستلم الراوتر فى خلا اسبوعين او شهر بالكتير و عدى فوق ال 5 اسابيع و انا مستنى و على امل انهم يجيبوه و بعدين كلمتهم يقولولى لا يا فندم الراوتر ميركبش عندكوا بسبب مشكله فى الكابلات معرفش مالها كلموا السنترال او اشتكوا فى المصريه للاتصالات عشان يغيرولكوا الكابل و بعدها استلموا الراوتر او الغوا الاشتراك و هنخصم معرفش كذا مقابل الوقت اللى معرفش ايه
    طب ليه يعنى كده لا عارفين ينيلوا الكابلات و لا يتضرفوا … قله ادب و لسه عمال اسال هنا و هنا ع امل ان النت يتوصل فى بيتى بدل ما انا بضطر اروح السايبرات و ابهدل نفسى مش عارف استمتع بالخدمات و لسه اما نشوف اخرتها السوده معاهم
    و كمان جي تقولى هيغيروا النمر عشان الكابلات تانى و نفس القصه اكيد مش هتتحل مقابل رفع سعر الخدمه و خلاص .. متبطلوا نصب و قله ادب باه جرى ايه … ترضوا حد يعمل فيكوا كده ؟!! طب و ربنا مكنتوا هتسكتوا .. اتلموا باه و عاملوا العملاء باحترام و كمان عارف ان النت هييجى زباله فى الاخر و بطىء و بيقطع جرى ايه متتعدلوا مش بنتنيل بندفع احترموا نفسكوا باه

  2. انا اتحرق دمي من تي داتا شركه زباله بشكل فظيع عاوزين ياخدو اشترك الت شهريا وخلاص مش مشكله بقا النت شغال عندك ولا لا
    انا بقالي شهر النت عندي زفت الزفت الزفت وقطع عشر ايم ورجع تاني طبعا انا يوم ما قطع كلمت 19777وعملت شكوي اما البهوات هنا في دمنهور يقولك النت شغال كويس ما فيش اي متابعه منهم خالص شاطرين بس يفصلو عليك لو ما دفعتش ورجع النت عد عشر ايم زفت الزفتين طيب يا جماعه في تعويض الايام دي يقولو لي المشكله كانت عندك طيب عندي ازاي وانا الحراره عندي ما قطعتش المده الا قطع فيه النت عشر ايام — وبيستهبلو ومش عاوزين يعوضوني الايام دي كمان السرعه واصلاني نصها بس صراحه اتخنقت من ام الشركه الزباله دي عاوزه تلم فلوس وخلاص وعاملين عروض النص بالنص الفشخ بالفشخ طيب مش اولااا يشوفو العملا القدام الاول ولا هو جر رجل وخلاص حاجه تحرق الدم
    انا حكنسل الخدمه واريح دماغي من حرق الدم دا اما يتظبطو او تيجي شركه انضف

    1. عندق حق في كل اللي بتقوله وكل ماتتصل بيهم يقولك اعمل ريستارت للراوتر…ماعرفتكش انا كده وللاسف ماتعرفش تتعاقد مع دي لينك شركه محترمه والنت عندها ممتاز

  3. في الاول بيكون تعب وانقطاع في الخدمة وكثرة الاتصال 19777 وتضيع فلوس وشحن كروت بعد كدة تكون الخدمة جيدة

    1. خد وقت قد ايه على بال الرقم متغير و الخدمة دلوقت افضل من النحاس و ياترى انت سنترال ايه

  4. علشان يحتكرو البلد لحساب تى اى داتا علشان هى الوحيدة اللى ليها حق بيع كابلات الفايبر يعنى مش هتعرف تشترك على النت غير عن طريق تى اى داتا, طبعا ليهم الحق يعملو اكتر من كده

    1. فعلا عملوا كده في 6 اكتوبر و غيروا كل الخطوط فيبر و كل الناس اضطروا يشتركوا مع تي اي داتا لان الشركات التانية زي فودافون و لينك منعوا من استخدام الفيبر

  5. نصيحه من مجرب
    اطلب فصل خدمه الانترنت فتره التغييرات ووفر فلوسك لان موضوع تغيير الارقام ده بياخد وقت ( انا اتبهدلت اكتر من 3شهور ) ولما الخدمه وصلت كانت متقطعه وغير مستقره ومفيش تعويضات هتخسر فلوس مكالمات لتى اى داتا وحرقه دم بتمنهم اشترى فلاشه اتصالات ولافودا وريح دماغك ولما تبقى عندك حراره الخط الجديد قدم من جديد واستمتع بالعروض
    اللهم بلغت
    انتوا صعبانين عليه قوى

  6. الى من يهمه الامر
    اننى لاصدق ذالك
    لاننى تقدمت بطلب منذ عام الى سنترال ديروط محافظة اسيوط لتركيب تليفون ارضى وللان لم يتم تركيبه بحجه لا يوجد بوكسات

  7. هو التغير دى على مستوى الجمهورية ولا بعض المناطق فقط وانا من نجع حمادى( والى الاما انا شاء الله )

اترك تعليقاً

لن يتم نشر عنوان بريدك الإلكتروني.