التخطي إلى المحتوى
بلاغ للنائب العام ضد الدكتورة “هبة قطب” لخدشها للحياء العام
الدكتورة هبة قطب

قام المحامى سمير صبرى، بتقديم بلاغ للنائب العام ضد الدكتورة هبة قطب أستشارى العلاقات الزوجية، يتهمها فيه بمخالفة الأعراف والقيم والآداب، لقيامها بشرح تفاصيل دقيقة للعلاقة الزوجية على وسائل الإعلام، بمسمع ومرأى من المصريين بطريقة “فجة” وغير لائقة، مضيفاً أن المحتوى الذى يقدمه يضر الأسرة أكثر مما يفيدها لمشاهدته من قبل أبناء وبنات فى فترة المراهقة.

وأضاف “صبرى” فى بلاغة مناشداً النائب العام، فى اتخاذ اللازم من الإجراءات ضد القنوات الفضائية التى تسمح بعرض مثل هذا المحتوى، للقيام بشرح وتفاصيل علاقات سترها الله عز وجل، ونهى عن الخوض فيها أمام الناس، مشيراً أن مثل هذه البرامج لا تدخل ضمن محتوى “حرية الرأى والتعبير”.

وعزز “صبرى” بلاغه بـ 22 أسطوانة ومدمجة وعدد 8 حوافظ مستندات، من البرنامج الذى تقدمه “قطب” على قناة “الحياة”، مطالباً فى البلاغ بإحالة الدكتورة لمحكمة الجنايات، لإقترافها لجرائم خادشة للحياء العام، والجهر بالفسق والفجر والدعوة لنشر الرزيلة، لتحريضها على الفعل وهو مجرم بنص المواد 178، 178 مكرر وفقاً لقانون العقوبات المصرى.

التعليقات

  1. مع احترامي للاستاذ سمير صبري كمحامي ……. هو حضرتك لم تشاهد افلام الموضة زي حلاوة روح (خصوصا) وغيرها من اعلانات توضح ولاتلمح بالالفاظ والنظرات الغير مهذبة وغيرها من الفضائيات مثلا وليس حصرا مسابقات ايجاد الفرق بين صورتين لانثى شبه عارية وطبعا ده لازم تدقق النظر في تفاصيل التفاصيل …… واللا احنا كده ((( خالف … ’تعرف))) …… انما لما د. محترمة توضح باسلوب علمي طبي بألفاظ مهذبة للتوعية …. وايضا حتى لايقع شبابنا من الجنسين في الحطأ لعدم الوعي ( شباب ياما بيقع في الخطأ لمجرد اثبات انهم وصلوا لسن الانفراد بالرأي حتى لو كانوا بيضروا أنفسهم وللاسف بيفهموا انهم غلط بعد فوات الأوان ) … ولما يتوجد اللي يفهم ويرشد باسلوب علمي راقي محترم نقدم بلاغات ونرفع قضايا … متناسين انه لاحرج في الدين ولاحياء في العلم طالما انه يقدم باسلوب علمي محترم بملامح وجه مستقرة ونظرات خالية من اي تلميحات غير مهذبة كما تفعل د/ هبه قطب … لها كل التقدير والاحترام ……

  2. أتضامن مع المحامى سمير صيرى ضد هذه السيدة التى تعمل على تدمير ماتبقى من قيم واخلاق فى المجامع وتشجع على زنا المحارم واستخدام اعضاء الجنس الصناعية ، وكذلك مقدم هذا البرنامج والقناة التى تقدمه بهذه الطريقة التى تضر بالمجتمع اكثر مما تفيده

  3. يقول أ. سمير صبري - لاحياء في العلم المفيد - معظم المصريين ليس لديهم ثقافات طبية بكافة انواعها والدكتورة هبه مشكورة تقوم بتوجيه الوعي في المسائل ا:

    أ . سمير صبري المحامي – لا حياء في العلم والمصريين معظمهم في حاجة الي الوعي في الامور الزوجية والدكتورة هبة قطب وهي استاذة دكتورة في هذا التخصص تقوم مشكورة باداء رسالتها في هذا المجال والاستاذ عمرو الليثي مشكورا يقدم برنامجة باستضافتها لوعي المواطنين فلا داعي لهذا الهجوم

  4. سمير صبرى عار على نقابة المحامين وعار على المصريين الشرفاء واللى عملاة سما المصرى واعلانات التطويل والتكبير والصاروخ دا لا يخدش الحياء العام ومسابقة جوائز اللى جايب الاختلاف فى لون الاندر او لو البرا يعنى بيقول للعيل ركز اوى دى اية . تحياتى للدكتورة هبة قطب وقاذوراتى للجاهل بن الجاهل سمير صبرى

  5. احيي د عمرو الليثي لنجاح برنامجه مع الدكتورة المثقفة هبة قطب .. وأقول للأستاذ سمير صبري المحامي ابحث عن موضوع آخر لاكتساب الشهرة .. ودعنا نتقدم الي الأمام ولا تجرنا الي الوراء لنظل في مصاف الشعوب المتخلفة ليتحكم فينا القاصي والداني .. انصحك استاذي ان تتابع البرنامج وستزداد ثقافة انت في في حاجة اليها

    1. انت على حق elsayaad وبدلا من بلاغ لقضية في حق د.محترمة قامت بالتوعية للمتزوجين والشباب في توعيتهم باسلوب علمي (طبي) للاقلاع عن تصرفات تؤذيهم على المدى القريب والبعيد ….. يتقدم ببلاغ ضد الفضائيات التي ليس لها ضابط ولارابط والكليبات الجريئة زيادة عن اللازم

  6. الاستاذ سمير فاضي ماعنده شغل وعاوز يشتهر يا عم روح شوف الالفاظ الخارجة عن الحياء في الاعلام والافلام وارفع عليها قضايا

  7. وما قول المحامى الكبير فى هوجة الاعلانات عن المنشطات الجنسية التى تذاع ليل نهار على كثير من الفضا ئيات وبها كثير من الايحاءات الجنسية الفجة قولا وبنظرات السيدات

  8. معلش يعني هو انتوا سبتوا كل الافلام الهابطه والمخدشه للحياء فعلا زي فيلم زجزاج السافل وفيلم الهام شاهين وغيرها وطبعا حبيبه ااجماهير صوفينار وجيتوا مسكتوا في كلام الدكتوره المحترمه..والله دي ناس تحفه ..بدل ماتيجوا تتلككوا وتدوروا علي حاجات تافهه وتكبروها ناقشوا القضايا اللي فيها فساد بجد وفساد بين…ده مجرد اعلان الفيلم لما بيجي والله انا وشي بيجيب الوان وبغير القناه ..لما الاعلان كده الفيلم يبقي ازاي فين بقي الرقابه المحترمه اللي توافق تنشر فيلم زي ده ….اتقوا الله شويه مش كده……..بلد بايظه

  9. محامى فاسد يدعى الشرف وكان الاجدر به ان يرفع دعوى على من يغتصبون الحرائر فى السجون

  10. الاستا< سمير صبرى المحامى اتق الله فأن الدكتورة هبه قطب من اشجع نساء عصرنا لقيامها بشرح وحل مشكلات اسرية كانت ولازالت تتفرق الازواج ونفكك الاسر دعها وعلمها وعندك قضايا كثيرة باالدوله تقدر تشهر به نفسك وتكسب رزقا بطريق اخرى ولك الاختيار والله هو الشاهد والمطلع على ما فى القلوب والنفوس .

  11. لما احد المحامين يحب يشتهر ويبقى اسمه فى الاعلام يهجم على حاجه الناس بتحبها او يمكن تكون مفيده او ليها معني والناس ملتفه حولها ده الواضح جداً من بعض المحامين اللى انتشروا فى المجتمع وحابين يكون ليهم صيت وشهرة عشان يعملوا زياين ويبقى اعلانات غير مدفوعه الاجر والامثله كتير قوي لاتعد —– بس الغريب دلوقت اللى لفت انتباهي ان فى البعض بدء يناقش القضية وهتبقى بين مؤيدين ومعارضين مع ان القضية واضحه جداً تعليم وتثقيف للمجتمع بشكل راقي — افضل من حكاوي الدراسة وقنوات وافلام الاباحه وفى الاخر يبقى المتلقي رغم انه شاف 200 الف فيلم بردو جاهل ومش فاهم

  12. تنوع الخلاف بين متفق ومخالف لمناقشة الامر وهذا شئ طبيعى لطبيعة البشر التى فطرنا الله سبحانه وتعالى عليها ولكن ان نتهجم على بعض ونسخر ونسب بعض هذا شئ مؤسف وليس اسلوب راقى للحوار وغير بناء

  13. الحقيقه ما يحدث فى مجتمعنا الان يحتاج الى مثل هذه الثقافه لان جرائم الاغتصاب والخيانه الزوجيه وانحراف الشباب من اهم اسبابه هو عدم قدرة الاباء والامهات على توعية ابناؤهم بالشكل الصحيح والدكتوره بجرائتها ودراستها العميقه فى هذه المواضيع استطاعت ان تقدم التوعيه الكافيه للناس وهذا المحامى اكيد يعانى من مشاكل نفسيه ..

  14. الحق مش عليها الخق على عمرو الليثى اللى بيسالها اسئلة مخلة وسخيفة ومهيجة ليس لها علاقة بالطب

  15. حياء ؟ هو العلم في حياء ؟ اغلبيه مشاكل الطلاق والخيانه بتيجي لان الراجل والست معندهمش ثقافه جنسيه ولما عيالكو وبناتكم بيفتحو التلفزيون وبيجبو قنوات الرقص وبيتفرجوا ع الافلام الزباله والبرامج اللي فيها الفاظ قذرة هنا مبيكونش في حياء ؟ انتوا شعب وسخ اصلا وعملين فيها شيوخ وتعرفوا ربنا وانتوا فيكم وساخه متتوصفش

    1. ليه الاخ الفاضل بيشتم ويجمع شعب مش عارف ايه ولما التعميم ارجوا ان نرتقى بمستوى الحوار

  16. الدكتوره العلامه فى مجال تخصصها / هبه قطب تكلمت عن المسكوت عته بمنتهى الرقى والاخلاق ولاقت قبول لدى اغلبيه كثيره فلا داعى لهدا الهجوم الدى فى غير محله

  17. العالم يتقدم ويتطور .. ونحن نجد من يشدنا الي الوراء ليعود بنا الي الخلف .. رافضين اي خطوة نخطوها نحو التقدم العلمي والاجتماعي والانساني بصفة عامة .. احترم الأستاذ سمير صبري كرجل قامة في في القانون كما أعتقد .. ولكن آرائه للأسف تنم علي انه يريد ان يصل الي شيء ما ليكون الأستاذ اللامع .. ليكون في مصاف الكبار مثل الأستاذ فريد الدين والأستاذ رجاثي عطية وغيرهم من الأفاضل .. واقول لسيادته لك الحرية لتفعل ما تشاء حتي تصل الي المكانة التي تتمناها لتنافس بها الآخرين او حتي تكون في مصافهم .. ولكن ليس علي حساب تجريح الناس اوالتشهير بهم او اغراقهم كما حدث مع المرجوم الفنان محسن شعلان .. الدكتورة الفاضلة هبة قطب انسانة مثقفة وبرنامج د عمرو الليثي معها من انجح البرامج وافيدها للعامة .. فهي تؤدي ثقافة تؤدي في جميع الدول المتقدمة .. ثقافة يحتاج اليها الجميع وتحتاج اليها انت شخصيا .. ارجو ان تتشجع وتتابع برنامجها والذي ستنجذب انت اليه وتكون اكثر شغفا في متابعته .. لأنك ستجد انك تكتسيب معلومات ثقافية واجتماعية انت وانا في حاجة اليها .. خليك حلو واسمع كلامي وازداد ثقافة يا عزيزي

  18. الدكتوره العلامه فى مجالها هبه قطب لاتستحق كل هدا الهجوم لانها فعلا تقدم ماده علميه بمنتهى الادب والعلم المغلف بالحياء الواعى

  19. واضح من الموقف والتعليقات أن لدينا خلل فى تقديرنا وقدرتنا على تقييم الامور فنحن عادة نخضع لصراعات الضمير مع العاطفه مع المصالح الخاصه مع مايصنعه الفراغ من هوس مع الحاله المزاجيه مع الخضوع لاتجاهات القوه والسلطه والنتيجه عادة سمك لبن تمر هندى

  20. نحن امام قضية شائكة وخطيرة لانها تتعرض للمعرفة وما هو مرغوب فيها وما هو ممنوع ، وهنا قد نختلف باختلاف تعليم وثقافة كل فرد ، ودائما ما تكون المواضيع التى تتصل وتتحدث عن الجنس – حتى وان كانت من منظور علمى او دينى _ شائكة وقابلة للجدل مابين مؤيد ومعارض . اعتقد انه قد آن الاوان لان نعد دراسة تعليمية يقوم على اعدادها صفوة علماء الاجتماع والدين والطب وغيرهم تمهيدا لتدريس الجنس فى المدارس بجرعات تكون مناسبة للاعمار السنية للطلاب وان يتم الربط فيها مابين الدين وتعاليمه ، وبين العلم وما يقوم عليه .. اعلم ان البعض سيهاجمنى ولكن اليس تدريس هذه المادة على اسس دينية وعلمية افضل ام نترك اولادنا وبناتنا عرضة لمعلومات الشارع واصدقاء السوء ؟لقد تأخرنا كثيرا فى هذا المجال وانظروا الى الآثار السلبية الخطيرة التى يتعرض لها الشباب خاصة جراء جهله وعدم معرفته بأهم الغرائز التى اوجدها الله فى الانسان ، وانظروا الى هذا الكم الخطيرمن الشكاوى الزوجية والتى تؤدى بنسبة كبيرة منها الى الطلاق نتيجة جهل الزوجين او احدهما بالسلوك الجنسى القويم ، قد تكون هذه المواضيع جديدة على مجتمعنا ، لكن – من وجهة نظرى – لابد من اقتحامها ولابد من محاربة اميتها شانها شأن اى امية اخرى فى اى مجال .. اما عن دزهبة قطب فهى تقدم برامجها منذ سنوات ولم يتعرض لها احد ولا لمحتواها .. ان كل منا يرى نفس الشىء بمنظوره الخاص والذى ينبع من داخله ومن واقع تفكيره فمن يرى ان ماتقدمه يدخل فى باب العلم فسيراه كذلك ، اما الاخر فقد يأخذه تفكيره الى طريق اخر وهذا شأنه ، اقصد اننا لن نتفق على رأى واحد وهذا طبيعى فلكل منهجه وعلمه وثقافته الخاص به وهى المجموعة التى تكون شخصيته واراءه وتجعل كل منا يختلف عن الآخر .. فلنتحرك ولنتفق على الحد الادنى درأ للمكاره والشبهات والله ولى التوفيق .

  21. سمير صبرى المحامى مش لاقى عندة شغل عايز الناس تفتكرة راح عمل الدعوة علشان يعمل لنفسة شوة اعلانى متشوف الافلام والمسخرة يا تعبان الجنس بقى ثقافة وتعليم

  22. أمراه بدون حياء….. ياجماعه هذه العلاقه بيمارسها الطيور والحيونات وكل المخلوقات بالفطره وبدون نصائح هذه المرأه الفجه هى والقذر اللى بيستضفها….. اتحدى اسره مصريه محترمه تتفرج عليها بكامل اعضاءها يعنى الاب والام والاولاد.

    1. اولا البرنامج مكتوب عليه للكبار فقط انت عايز الأسره كامله تتفرج عليه بمناسبه ايه
      ثانيا لو انت عايز كده تبقى المشكله فيك انت
      ثالثا كل فرد من افراد الأسره ليه متطلبات اللى بيحب يتفرج عليها لانها بتشبع عنده الفراغ المعلوماتى تجاه الموضوع ده
      رابعا وده الأهم الدكتوره الفاضله بتتكلم كلام علمى دينى بحت لا هى بتدعوه الى الفجر ولا الرذيله زى ما المحامى ده بيقول
      ربنا يهدى الجميع

    2. انك تضع نفسك من حيث العلاقة الجنسية موضع الحيوانات فهذه مشكلتك أنت ، أما الإنسان صاحب المشاعر والأحاسيس ( الإنسانية ) فليست العلاقة التي تربطه بالطرف الآخر جنسية بحتة ، أما إذا كانت أسرتك المحترمة عندها من الخبرة ما يغنيها عن هذه المعلومات فإن كثيرا من الأسر المحترمة تفتفر إليها …… وأخيرا حاسبوا أنفسكم قبل أن تحاسبوا عالمة محترمة كلها حياء مثل الدكتورة هبة قطب بارك الله فيها .

  23. اذا طلع العيب من اهل العيب ما يبقاش عيب والبلد لازم تاخد اجراءاتها ليعود الامن والامان والعيب والاحترام

  24. أكشف العيوب لاعالجها وألا أدارى عليها و أسيبها تتفحل \ الجراح بيجرح بالمشرط وينزف دم علشان يزيل ورم ممكن يفتك بالمريض \نجيب محفوظ أخذ نوبل لكشفه المستور فى قصصه بقصد علاجها \ لما شفت ولادى فى سن المراهقه يتلصصون على النت جبتلهم كتاب جنسى فخجلوا فى أول الامر ثم فرتكوه من التصفح فيه ولما قرأته معاهم وعرفتهم أن اللى كاتبه دكتور مش كاتب لم أتعدى 38 صفحه حتى نفروا منه وتركته لهم ولم يلمسوه ثانيه برغم وجوده فى متناول يدهم (الممنوع مرغوب) بس مين يفهم المحامى سمير صبرى هذ يرغب فى الشهره فقط ولم ينال من الدكتوره لانه العلم وصعب أوى العقول المتحجره تفهم

  25. كلامك صح استاذ صفوت

    صفوت الكاشف

    وماذا عن الفنانات ، اللاتى يتعرين ، ويظهرن بمظهر مثير ـ وأفلامهن تدخل كل بيت ، سواء أمام الشباب أو غيرهم .. ويقولون أن هذا أيضا من وسائل حرية التعبير ، بل أن المظاهر الحميمة جدا ، تكون بعرض الشاشة ، وبالألوان ، وبالصوت (السوبر سونيك ) أما منتجى الأفلام ، فيقولون بضرورة وجود (قبلة حميمة على الأقل) عشان الشباك أو هكذا يقولون نعم ربنا قد أمر بالستر … لكن هذا الستر لمن يخطىء عفوا .. ومافى داع ننشر أسماء بالذات ، فكلهن سبيلا واحدا ..

  26. لا يا شيخ !!!! وبالنسبة بقى لفيلم حلاوة روح وأفلام الدعارة اللي بتتعرض ليل نهار سينما وتليفزيون !!! دي بقى مفيدة للأسرة تتفرج عليها !!! طب على الأقل الست بتتكلم في إطار من الأدب والعلم !!
    فعلا !! سنوات يصدق فيها الكاذب ويخوًّن فيها الأمين

  27. الله ينصر دينك يامحامي يا محترم لان هذه السيده معدومه الاخلاق وتضر كل بيت مصري لانني تربينا علي الاخلاق والاحترام والحياء في مجتمع طبعه التدين والمبادئ التي يحاول امثال هذه الشخصه محوها

    1. ماهو انتى وغيرك اتربو على الحياء وبعدين بتتطلقوا وتروحو المحاكم تقولوا دا مالوش فى النسوان او عاوز ينام معايا من ورا

  28. إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ۚ وَاللَّهُ يَعْلَمُ وَأَنْتُمْ لَا تَعْلَمُونَ

  29. عندما يحترم العلم في مصر ويقدر اعلموا اننا في هذه الحظه اننا نجحنا ممانحن فيه من فساد وتخلف وفشل في شتي المجالات

  30. وَمِنَ النَّاسِ مَنْ يَقُولُ آَمَنَّا بِاللَّهِ وَبِالْيَوْمِ الْآَخِرِ وَمَا هُمْ بِمُؤْمِنِينَ (8) يُخَادِعُونَ اللَّهَ وَالَّذِينَ آَمَنُوا وَمَا يَخْدَعُونَ إِلَّا أَنْفُسَهُمْ وَمَا يَشْعُرُونَ (9) فِي قُلُوبِهِمْ مَرَضٌ فَزَادَهُمُ اللَّهُ مَرَضًا وَلَهُمْ عَذَابٌ أَلِيمٌ بِمَا كَانُوا يَكْذِبُونَ (10) وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ (11) أَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ

    1. من الأساس بتتفرجى عليها ليه دى بتتكلم صراحة وتفصيليا عن العلاقة الجنسية

  31. وماذا عن الفنانات ، اللاتى يتعرين ، ويظهرن بمظهر مثير ـ وأفلامهن تدخل كل بيت ، سواء أمام الشباب أو غيرهم .. ويقولون أن هذا أيضا من وسائل حرية التعبير ، بل أن المظاهر الحميمة جدا ، تكون بعرض الشاشة ، وبالألوان ، وبالصوت (السوبر سونيك ) أما منتجى الأفلام ، فيقولون بضرورة وجود (قبلة حميمة على الأقل) عشان الشباك أو هكذا يقولون نعم ربنا قد أمر بالستر … لكن هذا الستر لمن يخطىء عفوا .. ومافى داع ننشر أسماء بالذات ، فكلهن سبيلا واحدا ..

  32. صح بتتكلم بدون اي حياء وكلام ملهوش اي لازمه …….ومحدش محتاج يسمعه ……..اللي عايز يعرف المعلومات القذرة اللي بتقولها في عيادات واماكن شرعيه .لكن علي الملأ مينفعش ..ومتقوليش ده علم او لاحياء فالدين .الدين مقالش اتكلم علي الملأ فخصوصيات وعورات …….وان لم تستحيي افعل ماشئت

    1. الحياء شعبة من شعب الايمان اعلاها لااله الا الله وادناها اماطة الاذى عن الطريق صدقت يارسول الله

    2. منحطه جدا….. واتحدى اسره محترمه تتفرج عليها مجتمعين….. هى القذر اللى بيستضفها

    3. احيي د عمرو الليثي لنجاح برنامجه مع الدكتورة المثقفة هبة قطب .. وأقول للأستاذ سمير صبري المحامي ابحث عن موضوع آخر لاكتساب الشهرة .. ودعنا نتقدم الي الأمام ولا تجرنا الي الوراء لنظل في مصاف الشعوب المتخلفة ليتحكم فينا القاصي والداني .. انصحك استاذي ان تتابع البرنامج وستزداد ثقافة انت في في حاجة اليها

    4. الدين مقالش كده ولازم نحترم نفسنا ازاى هى تقدر تتكلم فى حاجات زى دى على الملا حرام بجد

اترك تعليقاً

لن يتم نشر عنوان بريدك الإلكتروني.