التخطي إلى المحتوى
عمرو أديب يتطاول على مبارك «هيذلنا بالضربة الجوية دا قرفنا 30 سنة»
الإعلامى عمرو أديب

هاجم الإعلامى “عمرو أديب” فى حلقة اليوم من برنامج القاهرة اليوم، المذاعة على قناة اليوم المشفرة، الرئيس الأسبق “محمد حسني مبارك” تعقيباً على حادثة “ولادة الشارع” للسيدة التى وضعت أمام مستشفى كفر الدوار العام لرفض المستشفى استقبالها، قائلاً «الله هيجي حد يقولى حرام مبارك، هقوله حرمت عليك عيشتك، دا عيشنا 30 سنة زبالة».

واستطرد أديب فى ذات الهجوم قائلاً، « هوا هيذلنا بالضربة الجوية، دا احنا عيشنا 30 سنة زى الزفت، وهو السبب فى أن البلد بقت على الأرض واللى هيطلع يقولى حرام عليك مبارك، هقوله يولع دا طلع عين أبونا».

وأضاف” كلنا كنا عارفين أن أحنا محكومين من عصابة، وأن مبارك كان ناوى يجيب ابنه يحكم، والمستشفى اللى رفضت استقبال السيدة من أتباع مبارك” واستنكر أديب من حوار مبارك لليوم السابع قائلاً” إزاى رئيس يدى حوار لصحيفة دى لسة عصابة مبارك وعائلته شغالة».

وأكمل أديب حديثه «أنا بكره مبارك والثورة ماقامتش إلا عشان تشيله هو وابنه، ماحدش يقول دا ريسنا دا نيلة سارب البلد بأسوأ حال، لا فيه كهربا ولا ميه، والناس معرفتش أكل الزبالة إلا فى عهده، والراجل دا مكمل كدا لية دا أنا هموت وهوا لسة عايش، عهده كان زى الزفت وإحنا بنشرب فساد عهده اللى دام 30 سنة، وإزاى يسمح له يقول حوار وهو فى السجن وأنا ولا بخاف منه ولا من عصابته».

التعليقات

اترك تعليقاً

لن يتم نشر عنوان بريدك الإلكتروني.