رددت الطالبة “سالي السيد هاشم” قصيدتها ضد الرئيس محمد مرسي بعنوان “حس” على الهواء، والتي تسببت في فصلها من مدرستها “السيدة زينب الثانوية بنات” بالمحلة الكبرى، بتهمة إهانة الرئيس.
واشارت سالي خلال لقائها على برنامج “ممكن” مع الإعلامي خيري رمضان ، أن القصيدة لا تتضمن أي كلمات تهين الرئيس، ولكنها مجرد هجاء لسياساته وقراراته.
واستنكرت سالي واقعة فصلها لمجرد التعبير عن رايها في المدرسة، خاصة بعد ثورة 25 يناير.
وإليكم كلمات القصيدة
“حــس”
حس يا سيادة الريس بينا
حس بالنار اللي والعة فينا
حس بشهيد حلمه ضاع
حس بقهرة أهالينا
ليك رب هتقابله.. طب هتقوله إيه؟ لما يسأل جنابك علينا
حــس
حس بشوارع مليها دم
حس بقهرة أب وأم
حس ببيوت جُواها هم
والقلوب مليها الغم
حس ببلد بتموت
حــس
حس بجدع عياله جاعت
نزل يوكلهم فكرامته اتباعت
اتسحل واتعرى في وسط حكومتك
وبعد ده كله حقوقه ضاعت
حــس
ده أنا المصري ابن البلد
حلمي في وسط الميدان اتولد
حلمي في بلدي تعلى لفوق
وحلمي قدامي اتعرى واتجلد
حــس
يا سيادة الريس شرفك فين؟
لما اتعرى المصري الهمام
لما اتسحل واستغليت إنه راجل جعان
وعاوز تكممه وتكتف عزته
وتهز بلدنا.. بلد الشجعان
لا مش هسكتلك ولا أسيبك تنهش
فى لحم بلدي زى زمان
حــس
ما أصلى خلاص م الموت معودتش بخاف
عارف الموت؟ عارف معناه؟
الموت أحلام بتموت وتضيع
الموت مش بس موت الحياة
الموت صديق عمر يروح
وصاحبه يتوه مجراه
الموت مش بس روح بتطلع
الموت ابن يموت وأمه م تقدر تنساه
الموت أب انكسر ظهره
ابنه كان ظهره وقواه
الموت يعنى مستقبل بيموت ويضيع
وتموت أحلامك وياه
حــس
حق اللي اتعرى يا ريس فين؟
ولا هو اللي عراه أصلا مين؟
اللى عراه ظلم وكدب
اللي عراه حكم مهين
اللي عراه ديابة ملهاش إحساس
اللي عراه كلاب مسعورين
اللي عراه سكوت.. اللى عراه جبروت
اللي عراه سلطة بتكسر عين
(حــس)
ورسالتي أخيرة لنظام جبان
نظام فاسد ملوش عنوان
لو همــوت
لو دمى منك يلاقى الجحود
وتهددني بسجن ظلام
ولا لوجوده أى وجود
… مش هتسكت فيا الصوت..
… مش هتسكت فيا الصوت..
ياااااااااااااااااااااااااااااااااااااااااااااااااارررررررب استرههههههههههههههههههههههههههههها
انتوا لية مش حاسين بالشعب يالى نهبتوها
الكلام بيتقال من قلب اتحرم من سعادة الدنيا القلب اتوجع من كثيرة الاوجاع الى جواه
انا تعبت من قله الفلوس وتعبت من قله شغل الشباب حرامممممممممممممم
بجد نفسنا نعيش عيشه حلوه ومرتاحه مش من شويه الكلام ده يتقال حسوا بينا
اتفرج يا مرسي