نقدم لكم قرائنا الكرام قصيدة انا اخوان للشاعر الكبير هشام الجخ والتى اثارت ضجة كبيرة فى الفترة الاخيرة وفور نولها وساهمت فى ملاحقة الشاعر الكبير من قبل رجال الداخلية ، القصيدة جديدة وجميلة ورائعه كعادة هشام الجخ وبالطبع اثارت اعجاب الكثير والكثير، القصيدة كلماتها مميزة وهى كالتالى :.
انا اخوان وكل المسلمين اخوان
فما تصنفش اسلامي علي كيفك
حقيقتي اقوي من زيفك
وصوباعي لوحدة بكفوفك
ولاتهزش قصاد خوفك
ياخوف يا جبان انا اخوان
بطيع الله فملكوته
وبدعي يزيدني من فضلة ومن قوتة
واصلي واصوم
وجاهد نفسي واصبر عالبلا واحمد وحمدي يدوم
لانة الرازق الوهاب وهو مسببب الاسباب
فلية الفضل والمنة ولية الطاعة
فماتبصش لديني نظرة طماعة
انا ديني لا هو سلعة ولا بضاعة
ولا لية سوق
لا انا بايع ولا شاري
ايماني هوة راسمالي
فاصحي وفوق
مانيش اخوان علي نهجك
فلم من الدروب همجك
كفاية شقوق
مش انته لوحك الاخوان
انا اخوان بحق الله وبالسنة وبالقران
وقت الجد انا عثمان
وقت الحرب انا حمزة
ووقت الفصل ببقي فاروق
انا اخوان علي الرحمة وعالتقوي وحب الناس
لكن عمري ماهتاخون باخونتك علي الصندوق
عينيكم فيها كل النور ومش شايفة
غباوة انك تهدد ناس ماهيش خايفة
بتهدد فمين يا حزين
دة انا الاهه اللي طلقوني
وجيعة وسارحة فالشارع
ومش ممكن هتخفوني
هتسمعني وغصب عن عنيك الجوز علي دماغك هترفعني
انا الناس اللي عاشت تحت خط الفقر
وانا الناس اللي ماتت وملتقتش القبر
فسيبك من اللي بيجاملك واللي بيهيص
وركزلي واسمع كلمتي كويس
انا الثورة اللي عملة منك الريس
انا اللي يادوب من سنتين
كنا بنتحبس صحبة
وكنا بنتجلد صحبة
بتبعد ليه وتكتب عالطريق غربة
بتمش فالطريق الصعب وحدك لية
مهملنيفلو صعبة عليك الشيلة شيلني
تلاقيني معارضك اه لكني وراك
بقدف فالسفينة معاك
اكون ودنك اكون عينك
اكون جوة فدا عينك
نبني بلدنا لهوانا
مش لهواك
وخيرنا يبقي جوانا مش جواك
مش انت تخدلي فالقرارات وانا امسح بايدي …..
ماتتلككش بالناس اللي بيعارضوك
ماتتشتش ماتتسوحش
بلدنا عايزة ريس وحش
يسمع نقدة بودانة
مايتكبرش
يكون جبار علي الظالمين
رحيم بينا ينام بينا
ويقوم بينا
يمشي يبص فالشارع علي الجعانين
ويفهم ان فالشارع شباب ثايرين
ملحقوش يبقوا كارهينك
فماتزودش نار الكرة فقلوبهم
شباب شايف فلوس بلدة مش بتخش فجيوبهم
ماتخدعناش ببقين من بتوع حسني يا مولانا
وريلنا كلام
وصدي من الغني قفانا
ماتدبحليش حمامة يتيمة علي عينها
وتقنعني انة ديك رومي
ماتلعبش انت فى المية وتمسح ايدك المبلولة ف هدومي
ومش كل اما توعد وعد تطلع بق
وماتشدش فرامل اليد وتطلب مني انزل ازق
ولما الناس تكون ثايرة ومختلفة ماتخطبليش ف اتباعك
ولما تكون مع وزيرة ماتلعبليش فـ ……..
ولا تسمعني ولا اهلي ولا عشيرتي
وخيرنا يبقي لبلدنا قبل ما ابص علي جيرتي
بلدنا احواض من البركة وعمر النيل
بلد دفيانة بالقران وبالانجيل.
فيديو القصيدة
هشام من أكثر الشعراء الحاليين تمكنا من لغته وقوافيه لا أملك الا أن أعجب بقصائده رغم ما فيها من مغالطات.
أتمنى أن يهديه الله قريبا فيتوقف عن ركوب موجة المعجبين بالكذب والمروجين للترهات التي لا أصل لها. هؤلاء يكذبون الكذبة ويتفننون في ترويجها ثم في آخر الأمر يصدقونها ويدورون في فلكها رغم أنهم صانعوها
يارب يعين الريس علي حكم البلد
لان هذه القصيده توصف جميع الاحوال التي تمر بهاالبلاد يارب انصر مصر واعن الريس في حكمها
هو بق واسع اوى معلش يا هشام الاخوان عايزنك تطبل لهم
ده لو مدح فى الاخوان كانوا سقافوا
هم الاخوان كدة بتوع مصالح
هو ده الكلام فعلا
لم اكن اظن انك ياجخ بهذه الوضاعه..نادم على اننى اعجبت يوما بشيىء قلته..هداك الله فمن الشعراء من هجا الرسول ثم تاب واسل
متدبحليش حمامة يتيمة على عنيها وتقنعني انه ديك رومي ..ومتلعبشي انت فـ الميه وتمسح ايدك المبلولة فـ هدومي ..ومش كل ما توعد وعد تطلع بق ..ومتشدش فرامل اليد وتطلب مني انزل ازق ………جاااااااامد يا هويييس انت قولت اللي كلنا عايزين نقوله