التخطي إلى المحتوى
افضل تتبيله للحم والفراخ ونصائح لجودة التتبيله

قرائنا الكرام ، كل عام وانتم بخير ، ولان رمضان اكلاته مختلفه وجديده وخفيفة ، ولان العزومات بتكون اكتر ، ولان البعد عن الروتين والتجديد من مميزات رمضان ، فالمشويات البانيه والبوفتيك الكفته بتكون اسايه عل سفرة رمضان .

واليوم اقدم لكى افضل طريقة لتتبيل اللحم ( شرائح اللحم المشويه او المقليه ، او الفراخ المقادير تستخدم لجميع انواع اللحوم والفراخ التى تحتاج تتبيل .

المقادير

المقادير تكفى لعدد كيلو لحم او فراخ
2 كوب لبن او 2 كوب زبادى
بصلة كبيرة مفرومة.
معلقة عصير ليمون
ربع معلقة صغيرة من كلا من ( فلفل اسمر وبهارات لحم باربريكا زعتر وسبرنكل وقرفه وكمون ) . وممكن تزودى لو تحبى .
ملح حسب الرغبه .

الطريقه

تضاف كل المحتويات فى وعاء وتضاف اليها اللحم او الفراخ وتغطى بها جيدا وتترك فى التلاجه عشر ساعات .

نصائح للتتبيله وضمان القلى المميز 

** اولا يفضل انك تستخدمى مية البصل المفروم مش البصل المفروم لو انتى مش هتقدرى تفصلى المية عن البصل يبقى تنفضى الفراخ او اللحم من البصل جيدا قبل الشوى او القلى حتى لا يحترق البصل ويفسد شكل وطعم الطعام .

** لا تضيفى من عصير الليمون كثيرا لانه يجعل الفيجيتار او الدقيق او البقسماط غير ثابت على اللحم اثناء القلى .

** قبل غمس الفراخ او اللحم فى الدقيق او البقسماط قومى بالطرق على الفراخ او اللحم مرة اخرى بالمطرقه او اسفل كوب حتى يزداد حجمها وتتغلغل التتبيلة بها فلا يقل حجمها كثيرا اثناء القلى .

** لو هتتبلى فرخة على بعضها استخدمى خلة فى انك تفتحى فى الفرخة ثقب حتى تتغلغل التتبيلة بها .

 عشان الفراخ او اللحمة تطلع معاك جيدة بالقلى استخدمى هذه الخطوات :.

** اولا غطى الفراخ او اللحم بطبقة دقيق واتركيها عشر دقايق وبعدين قلبيها فى بيض وسبيها عشر دقايق اخر حاجة قلبيها فى بقسماط سبيها على كيس جنب بعضها عشر دقايق وبعدين حطيها بالزيت .

** راعى ان الزيت يكون نضيف وسخن جدا واول مايسخن خلى النار متوسطه وابدا اقلى الفراخ او اللحم وقلبى الفراخ اللحم حتى تصل للون الذهبى وبالف هنا .

قد يهمك أيضا

التعليقات