التخطي إلى المحتوى
فراخ مشويه بالكاتشب وبحشوة جديدة مميزة بطريقتى وحصريه “اكلات رمضان”
فراخ

قرائنا الكرام كل عام وانتم بالف خير ، ساعات قليلة تفصلنا عن شهر الصيام شهر رمضان ، اعاده علينا وعليكم بالخير واليمن البركات ، تابعونا مع افضل الاكلات للشهر الفضيل واكلات جديدة ومميزة لعزومات الشهر مع سلسلة اكلاتنا اكلات رمضان نرجو ان تنال اعجابكم .

اليوم نقدم لكم طريقه عمل فراخ مشويه بطريقه جديده جدا ومختلفة فى الحشوة ، فالفراخ مشويه بالكاتشب والذبده والحشوة عبارة عن لسان عصفور باللحم المفروم .

المقادير

فرخة متوسطه مغسولة بالدقيق والليمون والخل .
بصلة متوسطه مقطعه نصفين
بصلة صغيرة مفرومة.
ربع كيلو لحم مفروم
فلفل اسمر كمون وبهارات لحم وباربريكا وتوابل سبرنكل لو عندك وحبهات وورق لورى.
مكعب ماجى
معلقتين كاتشب
معلقة زبدة سايحة
ربع كيلو لسان عصفور ( نص كيس)
قطعة فحم

الطريقه

نضع البصلة المفرومة فى معلقتين زيت نباتى نشوحها على نار هادئه ثم نضيف اللحم المفروم ونضيف مكعب الماجى وربع معلقه صغيرة من كلا من ( فلفل اسمر وبهارات اللحم والسبرنكل وحبة واحده حبهان واى بهارات تحبيها ) ثم تتركيها حت تنضج.

الخطوة الثانيه قومى بتحمير اللسان العصفور على نار هادئة حتى يحمر وحينما تنضج اللحم المفروم ضيفى الملح لها قومى بخلطها بالسان عصفور جيدا .

قومى بحشو الفراخ باللسان عصفور واللحم المفروم وتحت الجلد  واقفلى الفراخ كويس جدا بخيط او كتفيها بالرجلين .
فى حلة متوسطه تكفى لسلق الفرخة قومى بملئ نصفها ماء ضيفى البهارات السابقة حبة البصل المتوسطه وحبة طماطم لو اردت ثم اتركيها حتى تغلى وضيفى لها الفراخ واتركيها حتى النضج ( احذر ان الفراخ تتهرى )

صفى الفراخ كويس جدا من الشوربه ادهنيها بالزبدة والكاتشب وضعيها فى صينيه وحطيها تحت الشوايه مباشرة وقلبى الفرخة فى كل الجهات حتى تحمر ( الشواية بس اللى مفتوحة )

اخر خطوه قومى بحرق قطعة الفحم على البوتجاز حتى تحمر بعد كدا ف فنجان صغير به ملعقة سمن قومى باطفاء الفحمة به وبسرررررعه جداااا حطى الفحمة فى صينية الفراخ وغطيها بورقة فويل وهى مدخنة عشان الفراخ تاخد نكهة الفحم وتبقة كانها مشويه عالفحم واستنى 20 دقيقه وشيلى ورق الفويل وبالف هنا وادعيلى .

ملحوظة ، ممكن تتبلى الفرخة ببصلة مفرومة وبهارات وتسبيها ساعتين بالتلاجة قبل ماتحشيها وتسلقيها لو تحبى.

ملحوظة : ممكن تحشى الفراخ ارز بالكبد القوانص هتكن طريقتها ( كوب ارز وبصلة متوسطة مفرومة كبد قوانص الفراخ متقطعه صغير جدا ) هتشوحى البصلة ومعاها الكبد والقوانص وبعدين تضيفى الارز عل البصل ومعاه ربع معلقة فلفل اسمر وملح حسب الرغبه وتقلبيهم كويس بس الارز لازم يكون منقوع قبلها بساعه عشان يكون طرى ويستوى بسرعه مع الفراخ او ممكن تضيفى عليه نص كوب شوربه وتسويه نص سوا قبل ماتحشيه وبالهنا )

التعليقات

اترك تعليقاً

لن يتم نشر عنوان بريدك الإلكتروني.