هاجم الإعلامي تامر أمين أداء منتخب مصر الأول أمام كينيا في مستهل مشوار المنتخب بتصفيات أفريقيا المؤهلة لكأس الامم الأفريقية بالكاميرون 2021، تلك المباراة التي انتهت بهدف لمثله خلال المباراة التى جمعتهما مساء أمس ،الخميس، بإستاد برج العرب.
فعلق أمين خلال حلقة الأمس من برنامج “أخر النهار” قائلا “الواحد الحقيقة عايز يكتم غضبه بقدر الإمكان، مستوى مزري، مستوى منتخب مصر الأول لكرة القدم في بداية مشواره تحت قيادة حسام البدري، مباراة للنسيان، منتخب مصر مجاش”.
وأردف أمين قائلا “تخيل لما مصر تكون بتلاعب كينيا، اللي متتسواش بمصر ومستواها، وبيلعبوا في مصر، مباراة تسيدها المنتخب الكيني، بداية ولا أسوأ ولا أقبح، ولا تبشر بالخير”.
وأضاف أمين قائلا “أوعى حد يقولي عشان محمد صلاح غايب، مفيش منتخب، مفيش فكرة، مفيش روح، ومفيش جماعية، مفيش حاجة خالص”.
واستطرد أمين قائلا “الكابتن حسام البدري في المباراة عشان يحسن الأداء إنه ينزل النني، فربنا عاقبه في ساعتها، والنني تسبب في هدف التعادل، وإحنا قاعدين نقول لا حول ولا وة إلا بالله على أداء المنتخب”.
شاهد الفيديو…
