التخطي إلى المحتوى
بالفيديو| شقيق “شهيد التذكرة” يكشف تفاصيل زيارة كامل الوزير.. وبماذا وعدهم
images (6)

روى تامر عيد، شقيق محمد عيد “شهيد التذكرة” تفاصيل زيارة كامل الوزير، وزير النقل، لهم بالأمس لتقديم واجب العزاء في شقيقة، الذي راح ضحيةسلوك كمسري القطار  الذي خيره هو وصديقه بين الدفع أو النزول من القطار، لعدم وجود تذكرة معهم، فاختارا النزول من القطار حال سيره في محطة دفرة القديمة، الأمر الذي أدى لوفاة أحدهما.

فعلق شقيق شهيد التذكره قائلا  خلال لقاء مع برنامج “على مسئوليتي” مع الإعلامي أحمد موسى على قناة “صدى البلد” الفضائية قائلا “اللي زارني مش وزير، ده حد جدع وابن بلد زينا، قعد اتكلم معايا عادي جدًا، واتناقش معايا في كل حاجة، وقالي طلباتك إيه، قولتله مش عايز أي حاجة غير إنك تجيب حق أخويا من الموظف اللي عندك”.

وواصل تامر عيد قائلا “قالي أنا معاك والمحامي اللي هتقومه بشيك من حسابي الشخصي هدفع كل تكاليفه، وحق أخوك مش هنسيبه هجيبهولك، وهطالب القضاء سرعة إنهاء القضية، ولو اتحكم على الكمسري إحنا هنستأنف”.

وأردف تامر عيد ” اللي يرضينا عشان نقول إن حق أخويا رجع الإعدام، لأن  ده قتل عمد، ده واحد فتح الباب وقاله يا تنزل يا تدفع، إنت عمرك سمعت عن سواق ميكروباص رمى راكب عشان معاه الأجرة، فما بالك بباب قطر ماشي على سرعته”.

شاهد الفيديو…

التعليقات

اترك تعليقاً

لن يتم نشر عنوان بريدك الإلكتروني.