كشف محمد صابر، شاهد عيان على حادث القطار، تفاصيل ما حدث حول حادثة شابي القطار، خلال مداخلة هاتفية مع الإعلامي أحمد موسى، ببرنامج “على مسؤوليتي” المذاع على قناة صدى البلد الفضائية.
فروى شاهد العيان قائلا “شهادة حق قدام ربنا والله، أنا كنت في عربية أربعة، كنت واقف في المكان اللي بيشربوا فيه السجاير، لقينا واحد مفتش القطر جاي لقى شابيين واحد 30 سنة والثاني أصغر منه، قالهم معاكم فلوس قالوله لأ، طب معاك بطاقة قالهم لأ، قام خد المفتاح من العامل في القطر، وفتح الباب، وقالهم يا تدفعوا يا تنطوا”.
وتابع شاهد العيان قائلا “مخدناش بالنا وفكرناه بيهزر، لقينا مرة واحدة الأثنين اختفوا، عماد صاحبي كان واقف جنب الباب، لما شاف وش الراجل اللي تحت القطر، إنهار وفضل يخبط في القطر، وقالي الراجل تحت القطر”.
وأضاف شاهد العيان “بنقوله إيه اللي أنت بتعمله ده قالي في ستين داهية، قولتله إيه يا عم دول بنى آدميين، قولتله والله العظيم مش هنسيبك، ومكنش فيه مفتش ولا أمين شرطة، وقعد يضحك، ويقول دول عيال حرامية، لو كان قالنا لموا كنا عطيناله”.
العربية كلها كانت بتعيط على الشابيين دول، ناس مخلفة وعندها عيال عمالة تعيط شكل العيال الصغيرة، خلى واحد يكلمنا في التليفون وقال مفيش حاجة، ظابط المباحث بتاع طنطا تواصل معانا وقالنا إن في جثة، وقالنا روحوا مصر وأعملوا محضر، وهو كان عنده لا مبالاة”.
شاهد الفيديو..
