علق الإعلامي عمرو أديب على صورة محمد صلاح وعارضة أزياء برازيلية على غلاف مجلة GQ العالمية، خلال حلقة الأمس من برنامج “الحكاية” المذاع على قناة “أم بي سي مصر” الفضائية.
فأعرب أديب عن رأيه في هذه الصور قائلا “حكاية قلبت الدنيا وهي إن فخر العرب محمد صلاح اتصور مع صاروخ بارزيلي، طبع أنتوا عارفين طبيعي إن الكورة لازم نبقى مع البرازيلي علاقتنا جيدة جدًا، الموديل البرازيلية دي ست عندها 38 سنة”.
وأضاف أديب قائلا “صلاح يعيش في مجتمع أخر، هو مش عايش في مصر يا جماعة، يعني الناس بتقول ده موجود في حفلة فيها شرب، والناس بتقول دي كانت حضناه، ده موضوع يحله هو وأم مكة، الست دي حضنت أربعة غيره، وده أكثر الاحضان احتراما”.
وأكمل أديب “الناس دخلت وقالت مكنش العرب يا فخر العرب، والناس بدأت تقارنه بأبو تريكه، ده وضع وده وضع، الراجل ده عالمي عايش بره في منظومة أخرى، متحاسبوش الراجل أوي وتزنقوا عليه، الإخوان اصلا كارهينه عما من وقت ما اتبرع لمصر، ده وضعه مختلف في مجتمع مختلف له معايير أخرى”.
شاهد الفيديو..
