بالفيديو| أحمد موسى: خلوا بالكم من 25 يناير 2020 لهذا السبب

بالفيديو| أحمد موسى: خلوا بالكم من 25 يناير 2020 لهذا السبب
الإعلامي احمد موسى

حذر الإعلامي أحمد موسى، من التظاهر ضد الرئيس عبد الفتاح السيسي في تاريخ يوم 25 يناير 2020، وذلك خلال حلقة أمس   من برنامج “على مسئوليتي” المذاع على قناة “صدى البلد الفضائية”.

فعلق موسى على هذا الأمر قائلا “أنا قولت لحضراتكم في 2015، في شهر يونيو، في الوقت ده قولت خلوا بالكم من تاريخ 25 يناير 2020، النهارده دعواتهم كلها هتشتغل على التاريخ ده، هما بدأوا بدري واستغلوا اللص الخاين الهارب في أسبانيا محمد علي، وبدأوا يستفادوا من دعوات هذا الخائن”.

وتابع أحمد موسى قائلا “بدأوا يعملوا شحن في الشارع ارباك للشرطة، ارباك لمؤسسات الدولة، ارباك للشعب، حتى لو محدش نزل، في 2011 عملوا كدهن يعني حركة كفاية بدأت في 2004 أول مظاهرة لها، وبعدين 6 إبريل الخونة في المحلة في 2008، يعني هما اللي عملوا الأيام اللي فاتت كانت بروفة كبيرة، حتى لو وصل عدد قليل،على ما يوصل لعام 2020 يعملوا الحشد اللي عايزينه”.

وأكمل أحمد موسى قائلا “الأذرع الإعلامية بتاعتهم بدأت تشتغل، وأنا بكلم كل زملائي في المجال في الصحافة في الإعلام في الراديو، على الأقل المؤثرين، إحنا عندنا رسالة واضحة، أنا معتاد على اللي بيتعمل ضدي، وبقول للزملاء خلوا بالكم إحنا رسالتنا واحدة، رسالة دعم للدولة المصرية والقوات المسلحة والرئيس عبد الفتاح السيسي، متخافش من إنك تقول كده على الهواء، قوله بقوة ودعم رئيسك ودولتك”.

شاهد الفيديو..