بالفيديو| عمرو أديب ساخرًا من محمد علي : أنتوا معندكوش أخوات بنات

بالفيديو| عمرو أديب ساخرًا من محمد علي : أنتوا معندكوش أخوات بنات

سخر الإعلامي عمرو أديب من فشل المظاهرات التي دعا لها المقاول والفنان محمد علي اليوم الجمعة الموافق 27 سبتمبر 2019، وذلك خلال حلقة اليوم من برنامج “الحكاية” المذاع على قناة “أم بي سي مصر” الفضائية.

فعلق أديب قائلا “عندهم حالة إحباط، الفنان العظيم محمد علي طلع النهاردة وصل لحالة مزرية خالص، واصل لمرحلة إحباط، أنا لو منك يا محمد بلاش فيديوهات تاني يا بابا، الموضوع باظ منك، شوفلك أي بار بقى “.

وتابع أديب “الباقي عندهم مناحة النهاردة بسبب حالة الإحباط والفشل، اللهم لا شماتة أنا بقولك الحقيقة، مصر تكسب النهاردة، حالة إحباط غير طبيعية قالهم أنتوا الشعب، إحنا الطيور المهاجرة، وأنتم أكتر، وأنتوا معندكوش إخوات بنات”.

وأكمل أديب قائلا “بيقولونا أنتوا بتحشدوا، هو أنا لازم انضرب على قفايا، عشان تقولي فين الحرية، يعني إيه اسيبك المترو والميادين، المظاهرات بره بتتعمل بتوقيت ونظام، مش يلا هدوا الدولة”.

واضاف أديب ” وعيكم كان عظيم وعبقري، البلد كانت وقفة على رجلها الأيام اللي فاتت، وتحملت أكبر عملية تحريض في الفترة الأخيرة، اتصرف عليها مليارات، ورغم ذلك الشعب المصري عصي وأبي، اللي أنتوا عملتوه وقفتوا مع بلدكم، الواحد يبقى فخور إنكم مصريين”.