شن المستشار مرتضى منصور، رئيس نادي الزمالك، هجوم حاد عللى الإعلامي تامر أمين، مقدم برنامج “أخر النهار” المذاع على قناة “النهار” الفضائية، بسبب هجومه على محمود عبدالرازق شيكابالا، لاعب الأبيض، بعد احتفاله مع الجمهور وهجومه على جمهور الأهلي.
فعلق منصور عبر مداخلة هاتفية مع برنامج “الزمالك اليوم” المذاع على قناة “الحدث اليوم” قائلا “بالنسبة للأخ تامر أمين، معتقدش إنه ينزل من بيته تاني، وأنا بعت لكم اللي قاله سعد الصغير، ومردتش أبعت اللي قالته دينا الرقاصة، عشان كفاية عليه كده”.
وتابع مرتضى منصور “النهارده كفاية عليك كده يا تامر، ولسه، كل ما لسانك هيطول على حد في نادي الزمالك هيتقطع، لأنه مش أول مرة يا تامر”.
وكان تامر أمين هاجم شيكابالا قائلا “هو واحد من أمهر لاعيبة الجيل الحالي، كل الكلام ده حلو، بس خروج شيكابالا كثيرا عن النص، وأنا بكلمه باعتباري واحد بيحبه، ومستخسره في البوظان، لو كان ركز مع نفسه في البدايات كان زمان عندنا ميسي في مصر، وكان هيعمل زي اللي بيعمله صلاح وأكثر، ولكن للأسف هو مش مركز، إلا مع الإعلام وإثارة الجماهير، عشان كده منجحش في أي تجربة إحترافية، تفاعله مع الجماهير، كان في إساءة للنادي الأهلي، وأنا عارف إنه مش قاصد بس مشكلته إنه بيروح، وتحول الأمر لسيل من الهجوم من جماهير النادي الأهلي”.
https://www.youtube.com/watch?v=L5Y38MAGnUk
