التخطي إلى المحتوى
بالفيديو| هجوم متبادل بين أحمد حسن وريهام سعيد بسبب والدته

بعد أن هاجم كابتن أحمد حسن، عميد الكرة في العالم، ريهام سعيد، بسبب تصريحتها الأخيرة حول مرضى السمنة، عن طريق رسالة عبر حسابه الرسمي على موقع «فيس بوك».

ردت ريهام سعيد على أحمد حسن في الفيديو الأخير الذي نشرته لتعلق فيه على قرار وقفها قائلة “كابتن أحمد حسن والدتك زي القمر وكل حاجة، محدش قال إنها مش زي القمر، واضح إن أنت كمان متفرجتش على الحلقة وهيصت مع الهيصة وزيطت مع الزيطة، ممكن تبقى زي القمر أكتر لو خست، مينفعش تشجعها إنها تخينة، عشان الكوليسترول والضغط، والشرايين والضغط ورجلها اللي مش هتقدر تمشي عليها، وهي أكيد مضايقة إنها مليانة، ونفسها تقيل، أسألها، أنتوا هتموتو التخان حرام عليكم”.

وكان أحمد حسن قد وجه رسالة إلى ريهام قائلا “بصي يا ريهام هكلمك عملي وبدون تنظير.. شايفه الست القمر السمينة دي! تبقى أمي وفي زيها ملايين من أمهاتنا واخواتنا العظيمات اللي جابوا رؤساء وعلماء ومبدعين ورياضيين وفنانين وإعلاميين للأسف انتي واحدة منهم وناجحين في كل المجالات في البلد”.

وتابع أحمد حسن “الناس دي تعبوا وشقيوا وعرقوا واشتغلوا وقعدوا على ولادهم وعلموهم وحاجات كتيرة في مشوار الحياة، الأمهات دول بركة حياتنا وكفاية دعوة واحدة بس منهم تريح القلب وتفتح الأبواب المقفولة”.

التعليقات

  1. بصراحه احمد حسن ملوش انه يتكلم على موضوع ريهام سعيد لانها لم تقل أن الأمهات مش يرحمه انت دخلت فى موضوع ثانى خالص ملكش فيه خلى روحك رياضيه وشوف الى انتم فيه لو سمحت

اترك تعليقاً

لن يتم نشر عنوان بريدك الإلكتروني.