بالفيديو| تعليق ناري من تامر أمين على إلقاء الطوب على القطارات من “الأطفال”: ربوا عيالكم

بالفيديو| تعليق ناري من تامر أمين على إلقاء الطوب على القطارات من “الأطفال”: ربوا عيالكم

علق الإعلامي تامر أمين على بيان وزارة النقل التي تحذر فيه من تكرار ظاهرة رشق الأطفال للقطارات، خاصة على خطوط الضواحي، ما يعرض الركاب وسائقي القطارات للخطر.

استنكر أمين الأمر خلال حلقة الأمس من برنامج “أخر النهار” قائلا “موضوع مهم مش بس عشان الخسائر المادية اللي بتحصل واللي هيأثر على الموزانة العامة للدولة، اللي هي في الأخر فلوسنا إحنا، يعني بإيدنا إحنا اللي بنهدر أموالنا، بس قبل الخسائر المادية، في خطورة كبيرة على صحة الناس، لأن الطوبة ولا الزلطة دي مع سرعة الأرض بتبقى عامة زي الرصاصة، فتيجي في وش السائق أو تكسر الإزاز وتعور الركاب”.

وأضاف أمين قائلا “ألوم مين القطر المفروض يكهرب المحيط، ولا هيحط قناصة في القطر، ولا وزارة الداخلية تحط عسكري على كل متر عشان يمنع العيال اللي مترتبتش، أنا مش لاقي حد أكلمه إلا أحنا، الحل الرباية، العيال دي أكيد ليها أبهات وأمهات، كل أب وأم يربوا عيله، والعيال بتتباهي إنها قليلة الأدب متربتش، معتقدش في دولة في العالم بتشتكي من الموضوع ده”.