انتقد الإعلامي تامر أمين قرار اللواء حمدى عثمان، محافظ الإسماعيلية، يإغلاق جميع المقاهى، فى المحافظة بعد الساعة 1 صباحًا، فى فصل الصيف، وإغلاقها بعد الساعة 12 مساءً فى فصل الشتاء، وذلك لمواجهة ظاهرة ارتفاع حالات الطلاق فى المحافظة.
فعلق أمين قائلًأ “السيد محافظ الإسماعيلية أعلن أنه سيتم إغلاق المقاهي في فصل الصيف في الساعة واحدة صباحًا، وفي فصل الشتاء الساعة 12 مساءًا، قبل ما أتكلم في الأسباب اللي قالها محافظ الإسماعيلية، سؤالي لوزارة التنمية المحلية هل ده هيبقى قرار فردي لكل محافظ على حدة، ولا ده هيبقى قرار حكومي على كل كافيهات مصر”.
وتابع أمين “ما يثير الجدل هي الأسباب اللي قالها محافظ الإسماعيلية، أنا كنت متوقع إنه هيقول ده عشان الناس لازم تنام بدري عشان تقدر تروح شغلها والجامعات والمدارس، بس السيد المحافظ قال إننا هنقفل المقاهي عشان نواجه ارتفاع نسب الطلاق في المحافظة”.
وأضاف أمين “ده سؤال بريء، وبعدين قايل إن المحافظة تحتل المرتبة 11 بين المحافظات في معدلات الطلاق،عندهم في الإسماعيلية، عندهم 1722 حالة طلاق سنوا، طبعا رقم كبير ويخض، والطلاق مشاكله كتير، بس برضوا مش فاهم إيه العلاقة بين المقاهي والطلاق، ده الراجل لما يرجع بدري، الطلاق والخناقات هتزيد، ده الفصل بينهم هو المصلحة، أو يرجع بدري فالزيادة السكانية هتزيد”.
