شارك الإعلامي عمرو أديب في تحدي الشيخوخة التي انتشرت على مواقع التواصل الاجتماعي بالأمس، من خلال تطبيق “Face App”، وذلك خلال حلقة الأمس من برنامج “الحكاية”.
وعلق أديب قائلًا “إمبارح حد طقت في دماغه بالليل إنه يستخدم تطبيق اسمه فيس آب، التطبيق ده موجود من سنة 2013، عمله مجموعة من المبرمجين الروس، فجأة مصر إمبارح قررت تحول الناس كلها لدار مسنين”.
وبتعليق كوميدي على صورة الهضبة عمرو دياب قال أديب “الآب ده ذكاء صناعي شغال على الوش بس، عملوا لعمرو دياب، الآب ضرب ومعرفش يشتغل معاه، عمرو دياب مبيكبرش، صورته مبيجراش لها أي حاجة، الهضبة اللهم صلي عى النبي، عنده قدرة إنه يقول للتطبيق يرجع يرجع على طول”.
وعن صورته قال “ده العبد لله وهو عنده حاجة وسبعين سنة، طبعا دي مش محاولة وحيدة، القضية أ،ا مش عايز أشوف ده، اللاقي ناس كتير عملاها وبعتهالي، وبعدين اللي بيشتغل الشغلانة دي مبيوصلش للسن ده”.
وحذر أديب من التطبيق قائلًا “في حاجة إنتوا مش واخدين بالكم منها ، في جمع معلومات خطير بيحصل، بتدوا للناس دي صوركم ومعلوماتكم، في النهاية ده بيدخل على معلوماتك وأنت فرحان وقاعد تلعب”.
