سخر الإعلامي عمرو أديب من أمير قطر، الشيخ تميم بن حمد آل ثاني، بسبب مغادرته للجلسة الافتتاحية للقمة العربية بتونس العاصمة، بشكل مفاجئ دون إلقاء كلمة.
فعلق أديب خلال حلقة الأمس من برنامج “الحكاية” المذاع على قناة “أم بي سي مصر” قائلًا “عزيزي الأمير تميم، عارف إنك زهقت من الصبح قالوا عمالين يقولوا الهربان، اللي جري، أكيد أنت مضايق دلوقتي، سمو الأمير في قصص كثيرة ناس بتلت، ناس قالوا هو من الأول جاي وماشي، طب جاي في إيه وسافرت وإيه”.
وتابع “أنا بحب مستندات، السيد سفير قطر في تونس قال: السيد سعد الحميدي ألقى الضوء على دلالات مشاركة الشيخ تميم، هي دي مشاركة وبيقول واقف شامخ، ده كان واقف لوحده ومحدش عبره، وقال كمان إن حضور سمو الأمير لحرص قطر أن تدلي بدلوها، فين الدلو ده، أين أدلى الأمير، الراجل لا أتكلم ولا قابل ولا عمل”.
وأضاف “ده قعد ربع ساعة مقالش كلمة، ولا تعليق، ونيجي نسأل طيب يا جماعة الشعب القطري المناضل قالوا إيه: ولا حاجة، قناة الجزيرة وملحقاتها وصراصيرها مفيش سطر عن الأمير مشي ليه، هل محتجًا ولا مريضًا، ولا جاله تليفون، ولا أبوه قاله تعالى دلوقتي”.
شاهد الفيديو…
