التخطي إلى المحتوى
بالفيديو| وزير التعليم يرد على الشماتة من سقوط “السيستم”: إحنا نصعب عليكم
طارق شوقي

وجه وزير التربية والتعليم، الدكتور طارق شوقي رسالة إلى من يشمت في فشل “السيستم”  وسقوطه لليوم الثاني على التوالي في امتحان الأحياء، لطلاب الصف الأول الثانوي بالنظام التراكمي الجديد، حيث اشتكى الطلاب من صعوبة الوصول لمنصة الامتحانات الالكترونية على أجهزة “التابلت”.

حيث علق شوقي في مداخلة هاتفية ببرنامج “الحكاية” مع الإعلامي عمرو أديب قائلًا “أي أحد حد بيحط هذا القدر من الجهد ويمر بهذه المعاناة وأنا مش لوحدي، لأني معايا عشرات الالاف من البشر، بيزعلوا جدا لأن لو الناس عرفت مقدار الجهد والتعب ورا ده هنصعب عليهم”.

وتابع شوقي قائلًا “كنا ممكن منعملش النظام ده كله، كنا نكتفي باللي بيحصل في الابتدائي وده مشروع كبير جدا في حد ذاته، وإنما لو فكروا شوية إحنا بنعمله ليه، حرصًا على الولاد وللمصلحة”.

وعن الشماتة قال شوقي “الشماتة واللي مقصر على الناس من فشل السيستم، في مصالح اتهدت لا حصر لها، في ناس من أصحاب السناتر آلاف يعملوا في السناتر، ياخدوا الباسورد من الطلاب عشان هو يخش يحل الامتحان وفي نفس الوقت ياخدوا الأسئلة، ياخدوا الاسئلة عشان يبقى ده شغل السنتر في الفترة الجاية”.

وأضاف شوقي قائلًا “يعني بدل ما نغير طريقة تفكير الولاد، بتوع السناتر بيسبقونا وياخدوا اللي بنعمله ويحفظوه للولاد، دي حرب بين نظام قديم، وتطوير لم تشهده مصر من زمان، أحنا بنعمل ده تطوعً لخدمة هذه الأجيال وهنحسن ده ولازم نصبر قدام الطيار ده”.

شاهد الفيديو..

التعليقات

اترك تعليقاً

لن يتم نشر عنوان بريدك الإلكتروني.