كشف طارق شوفي، وزير التربية والتعليم، أسباب تعطل سيستم امتحان التابلت بالصف الأول الثانوي، وذلك خلال مداخلة هاتفية مع الإعلامي عمرو أديب ببرنامج “الحكاية” المذاع على قناة “أم بي سي مصر”.
فأوضح وزير التربية والتعليم الأمر قائلًا “إحنا قولنا على مدار السنة إننا بنعمل تدريب على التغيير في نظام التعليم، والتغيير ليس التابلت، والشبكات وقولنا ده مررارًا، ولكن اللي بيحب يهاجمنا بيمسك في دول بالتحديد، ولكن التغيير الأساسي في طريقة المذاكرة، والمحتوى ونظام الامتحانات، وعملنا تجربة لنظام الامتحانات الجديد في يناير الماضي، والولاد ابتدوا يتعرفوا على شكل أسئلة للفهم بدل من الحفظ، وكان فيها بعض الشوائب مثل التسريب”.
وتابع شوقي “وقولنا المرة الجاية هنختبر عناصر النظام الالكتروني الجديد، اللي هيمشينا لسنوات قادمة، السيستم الإلكتروني ده من أكبر ما يمكن، لأننا عندنا 700 ألف طالب بيمتحنوا مع بعض في محافظات مصر كلها، وقولنا يوم الخميس اللي فات هنجرب مع بعض، وبالتالي هو من غير نمر ولا علاقة له بالنجاح والسقوط، عشان ميبقاش في حالة قلل، وقولنا للي مش عايز يجي متجيش”.
وأضاف شوقي “إحنا استفدنا من اليوم جدًا، اكتشفنا حجم السيرفر المطلوب، الساعة التاسعة صباحًا كان في 4.7 مليون يهاجموا سيستم الإمتحانات، وسهرانين الليل كله عشان نشوف الأرقام دي جاية منين، هذا الرقم فضل ثابت في الهجوم من 9 الصبح إلى واحدة الظهر، في فريق كامل في أمريكا ومصر بيشوف الارقام دي، ومن 12 بالليل قبل الإمتحان كان في مليون بيحاولوا يهاجموا”.
شاهد الفيديو…
