التخطي إلى المحتوى
مريضة سرطان في معهد أمراض دمنهور تتهم طبيب بالإهمال الطبي.. قلنا ” جاتكم القرف” – فيديو –
مريضة سرطان تتهم طبيب بالإهمال الطبي

اشتكت مريضة سرطان من أحد أطباء معهد أورام دمنهور واتهمته بالإهمال الطبي، وقالت في مداخلة هاتفية لبرنامج ” أخبار النهار” المذاع على الفضائية المصرية ” النهار” مساء اليوم الأربعاء 12/12/ 2018 أنها مريضة سرطان وتتلقى العلاج في المعهد، وأضافت قائلة : “بنروح لدكتور الآلام يكتب لنا العلاج بتاعنا”.

إهمال طبي

وتابعت المرضة وتدعى سماح علي قائلة:قعدنا نستنا الدكتور من بدري مجاش غير متأخر حوالي الساعة 11، لقيناه قاعد يتكلم في التليفون ساعة، استنيناه وفي الآخر واحد مريض، من شدة الألم اللي هو فيه لطم على وشه وقال أنا تعبت”.

وأضافت بالقول : “بعدين إحنا كلنا زهقنا، فالدكتور فتح الباب وطلع وقال (جاتكم القرف) ومشي، وطلع عند مدير معهد الأورام، وقعد عنده، فطلعنا للمدير عشان الدكتور ينزل ويكتب لنا العلاج عشان مش مستحملين التعب”.

وأردفت قائلة: “لما طلعلنا للمدير قال لنا إحنا بنطبطب عليه عشان يرضى ينزل لكم، ونزل بعد ساعة من فوق، وخلص العلاج بتاعنا، كانت الساعة دخلت على 2، والصيدلية اللي بتدي العلاج كانت قفلت”.

 

التعليقات

اترك تعليقاً

لن يتم نشر عنوان بريدك الإلكتروني.