تعليق ميدو على خروج منتخب مصر من كأس العالم.. ويدافع عن كوبر

تعليق ميدو على خروج منتخب مصر من كأس العالم.. ويدافع عن كوبر
أحمد حسام ميدو

علق أحمد حسام ميدو، المدير الفني السابق للزمالك ووادي دجلة، على خروج مصر من كأس العالم بنسبة كبيرة، وخاصة بعد خسارة المنتخب المصري أمام نظيره الروسي بثلاث أهداف مقابل هدف في المباراة التي أقيمت أمس.

فكتب ميدو عبر حسابه الرسمي على موقع التواصل الاجتماعي “تويتر” يقول :صباح الخير على الجميع كويس إن مصر كلها زعلانه إن إحنا طلعنا بالشكل ده مِن المونديال ده دليل ان احنا المره اللي جايه مش هنكتفي بس بالصعود ولكن هنبقى عايزين نعمل كاس عالم كويس وده كلام كويس جدا علشان نمشي لقدام ونتطور!!.

وتابع ميدو في تغريدة أخرى قائلًا :أهم حاجه لازمً نحترم كوبر وجهازه ولازم ماننساش الإنجاز اللي عملوه ماينفعش نبقى جاحدين!! الناس دي استلمت المنتخب مابيوصلش كاس امّم بقاله ٣ مرات ووصلونا نهائي كاس الامم ووصلونا كاس عالم يبقى ماينفعش ننسالهم كل ده!! الناس دي محترمه أخلصت في كل يوم ودقيقه في عملهم!!.

وأضاف ميدو : دلوقتي مصر كلها داقت لذة وحلاوة التواجد في كاس العالم ولازم كلنا نفكر ازاي نعمل كل حاجه علشان نبقى موجودين في كاس العالم اللي جاي وإزاي لما نبقى موجودين مانظهرش بالمستوى ده ونكون شكلنا احسن ونعمل نتايج أفضل!!