أكد الإعلامي عمرو أديب، بان ما قدمه منتخب مصر اليوم أمام الأوروجواي هو أداء بطولي يستحق التحية والتقدير، مشددًا على كون الفراعنة اليوم كانوا في مستوى جيد للغاية، ولا يمكن أن يتم إنتقاد المدرب واللاعبين وذلك على الرغم من الخسارة في الثواني الأخيرة.
وعلق عمرو أديب على خسارة منتخب مصر اليوم قائلًا:”اوعى اسمع حد بينتقد المنتخب اوعى حد يهاجمهم الرجالة عملوا اللي عليهم وأكتر.. محدش قصر وكانوا على المستوى خسروا بشرف ورفعوا رأس الكرة المصرية وأجبروا أوروجواي على احترامهم.. تحيا مصر”.
وأكمل أديب تصريحاته النارية قائلًا: “”انتوا اللي كسبتوا الماتش انتوا اللي قهرتوا أوروجواي وسواريز انتو عملتوا تاريخ النهاردة.. احنا فخورين بيكم واحنا ما كناش اصلا بنحلم بالماتش ده واللهي ابطال الف مبروك وبطل يا شناوي وعبقري يا فتحى وشكرا يا حجازي ومستنييك يا صلاح توصلنا”.
وقال عمرو أديب في ختام تعليقاته اليوم: “كل سنة وأنتم بالف خير يا شعب مصر، بس حسكوا عينكوا أشوف حد فيكم بيهاجم الناس دي، لاعيبتنا رجالة، وعملوا مباراة خيالية اليوم، والأوروجواي فشلت في أنها تكسبنا خلال 89 دقيقة، ومكنوش عارفين يعملوا ايه النهارده”.
ويذكر بأن منتخب مصر كان قد خسر يوم الأمس من أمام منتخب الأوروجواي في مباراة قوية من الجانب المصري، ولكن الأوروجوي تمكنت من تسجيل هدف قاتل في الثواني الأخيرة لتضيع نقطتين من الفريق المصري.