التخطي إلى المحتوى
بالفيديو| أحمد موسى يواصل إهانته لأبو تريكة: عبد الريال القطري
أبو تريكة وأحمد موسى

يواصل الإعلامي أحمد موسى هجومه على محمد أبو تريكة، نجم النادي الأهلي السابق ونجم منتخب مصر السابق، من خلال برنامجه “على مسئوليتي” المذاع على قناة “صدى البلد”.

فقال موسى بحلقة الأمس “صلاح ده هرم متقارنهوش بأبو تركية اللي نهى حياته، هو اللي خلص على نفسه بإنضمامه للجماعة الإرهابية، الشعب النهاردة شوفوا بيتكلم إزاي على صلاح وإزاي بيتكلم عن أبو تريكة، هو لو مصري هربان ليه لو كده يجي ويبرأ ساحته ويقول أنا مش إرهابي”.

وأضاف موسى “الخلايا بتاعتكم هما اللي كشفوا إن أبو تريكة إخواني، وقاعد في قطر خليك قاعد هناك وسعيد، أفرح مع قطر وخليك سعيد هناك الفلوس القطرية لطيفة برضه، بس خلي بالك هتقع زي تركيا، ده النهاردة قناة الجزيرة مسرحة 200 واحد، تخيل الجزيرة عملت دمج داخل القناة”.

وتابع موسى إهانته وهجومه على أبو تريكة قائلًا “طبعا إحنا عارفين إن التنظيم إياه والخلايا بتاعتهم زعلانين عشان صلاح بقى هو النجموهو الرمز والأسطورة والصحافة العالمية بتتكلم عليه، فلازم يقوموا زقين عبد الريال القطري اللي هو أبو تريكة، عايزين يدخلوا أبو تريكة في أي حاجة، راجل شغال لحساب قطر، متحاولوش تجملوا الصورة بتاعته لأنه مبقاش مصري بقى قطري”.

شاهد الفيديو..

قد يهمك أيضا

التعليقات