وجه الإعلامي أحمد موسى رسالة حادة إلى المحامي الحقوقي جمال عيد، بعد القبض على الناشط السياسي وائل عباس، قائلًا: ده واحد من الممولين الكبار الدور جاي يا جمال والحساب جاي.
وتابع موسى خلال حلقة الأمس من برنامج “على مسئوليتي” قائلًا ” جمال عيد بيقولك اعتقلوه أو اختطفوه، أنت بتكذب يا جمال وإحنا في رمضان، لو أنت صايم يعني، بس ده أمر ميخصنيش، ده أمر من النيابة بالقبض عليه مش خطف، طب مهو كتب على صفحته أنا بيتقبض عليا، لو اختطاف يا جمال يا عيد مكنش عرف يكتب الكلمتين دول”.
وأضاف موسى قائلًا ” بيقولك ودوه مكان مجهول مش عارفين فين معندناش أماكن مجهولة اللي بيتقبض عليه بيروح النيابة، وأنت لو عندك فكرة عن القانون كنت عرفت ده لوحدك”.
وتابع موسى هجومه على عيد قائلًا “النهارده مبقاش عندنا حاجة اسمها البوكس جاي، هتلاقي سلم فوقك كده والرجالة جيبينك”.
وتجدر الإشارة إلى أن مباحث القاهرة، ألقت القبض على الناشط السياسى وائل عباس فى القاهرة الجديدة أمس الأربعاء.
شاهد الفيديو..
