يواصل الإعلامي أحمد موسى في هجومه على محمد أبو تريكة، نجم منتخب مصر والنادي الأهلي السابق، من خلال برنامجه “على مسئوليتي” المذاع على قناة “صدى البلد”.
حيث قال موسى “اليومين دول الإخوان موجوعين جدا عشان أبو تريكة، موجوعين إن أنا كل يوم بفضح أبو تريكة، ولما طلبت يتقبض عليه لو راح الإمارات خلال مباراة اعتزال حسام غالي، كل صفحاتهم من أول الجزيرة وكل القنوات بتاعتهم بتهاجمني”.
وتابع موسى هجومه على “ابو تريكة” قائلًا : أه هو إرهابي، لا يقارن بينه وبين الأسطورة المحترم محمد صلاح، والصنم بتاعكم محمد أبو تريكة، وأنا قررت كل يوم يبقى عندي فقرة ضد أبو تريكة، وبالأدلة، ومحمد صلاح محدش محتاج رأي عنه”.
وأضاف موسى قائلًا “كتبوا كلام فارغ إني قولت على محمد صلاح إخواني، بسبب المصحف اللي بيحمله معاه، هما عايزين يربطوه بأبو تريكة بأي شكل، لأنه هو بقى مكروه والناس بقت عارفه تاريخه، أنصح الناس تخلي بالها تخلي بالها من كلام الذباب الإخواني، وذباب أبو تريكة”.
شاهد الفيديو
